غالب محهمهد: نرخی لیترێك بهنزین بوه به 540 دینار
وێستگه نیوز ـ
سهرۆكی لیژنهی وزه و سامانهسروشتییهكان له ئهنجومهنی پارێزگای سلێمانی رایگهیاند كه نرخی یهك لیتر بهنزین له ئێستادا 540 دیناره و رایگهیاند، ههوڵدهدهن نرخهكه بهرزنهبێتهوه و به بهراورد به نرخی بازاڕیش نرخی لیترێك بهنزین 35 دینار دابهزیوه.
غالب محهمهد، سهرۆكی لیژنهی وزه و سامانهسروشتییهكان له ئهنجومهنی پارێزگای سلێمانی به ماڵپهڕی وێستگه نیوزی راگهیاند: "ئهوهندهی ئاگاداربم نرخی یهك لیتر بهنزینی نۆرماڵ 540 دیناره و له ئێستادا ئاسانكاری زۆرمان كردووه بۆ ئهوهی نرخی بهنزین بهرزنهبێتهوه و لهو باوهڕهدانیم بهرزببێتهوه ئهگهر دانهبهزێت".
ئهمهش له كاتێكدا دێت كه نرخی بهنزین له جۆری نۆرماڵ له بهشیك له بهنزینخانهكان 575 دیناره و بهم پێیهش ههر لیترێك نرخهكهی 35 دینار دابهزیوه.
PM:08:09:10/12/2016
ئهم بابهته 13729
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت