‌ وه‌زاره‌تی دارایی راپۆرتێك له‌سه‌ر دابه‌شكردنی موچه‌ ده‌خاته‌ڕوو
PM:06:00:11/01/2017

وێستگه‌ نیوزـ

بڕیاره‌ سبه‌ینێ پێنجشه‌ممه‌ 12ی كانونی دووه‌می 2017، حكومه‌تی هه‌رێمی كوردستان كۆبوونه‌وه‌یه‌ك سازبكات و تیایدا ڕاپۆرتی وەزارەتی دارایی لەبارەی دابەشکردنی مووچەوە بخرێتەڕوو.

نوری عوسمان، سەرۆكی فەرمانگەی هەماهەنگی و بەدواداچوونی حکومەتی هەرێم، به‌ ئێن ئاڕ تی راگه‌یاندووه‌: "سبەینێ پێنجشەممە کاتژمێر 11ی پێشنیوەڕۆ کۆبوونەوەکە سازدەکرێت و ڕاپۆرتی‌ وه‌زاره‌تی‌ دارایی‌ دەخرێتەڕوو سەبارەت بە دابەشکردنی مووچە".

وتیشی: هەر لە کۆبوونەوەکەدا ڕاپۆرتی وەزارتی تەندروستی دەخرێتەڕوو، سه‌باره‌ت بە ڕێژەی دەرمان و پێداویستیی پزیشكی‌ له‌ هه‌رێمی‌ كوردستاندا، هه‌ر له‌ كۆبوونه‌وه‌كه‌دا باسی ڕێکخستنەوەی داهات و خه‌رجییه‌كانی‌ كه‌رتی‌ ته‌ندروستیش له‌ هه‌رێمی كوردستان دەکرێت.

سەرۆكی فەرمانگەی هەماهەنگی و بەدواداچوونی حکومەتی هەرێم ئاماژەی بۆ ئەوەشکرد، جگە لە ڕاپۆرتی ئەو دوو وەزارەتە، لە كۆبوونه‌وه‌كەدا ‌باسی‌ كۆبوونه‌وه‌ی حکومەتی هەرێم‌ و ئه‌ندامانی‌ په‌رله‌مانی‌ عیراق دەکرێت.

نوری عوسمان وتیشی، لە بەشێكی کۆبوونەوەکەی سبەینێی حکومەتی هەرێمدا گفتوگۆ لەبارەی ڕاپۆرتی‌ "لیژنه‌ی‌ دارایی جینوسایدی‌ تاوانه‌كانی‌ داعش" ده‌كرێت.




ئه‌م بابه‌ته 2138 جار خوێنراوه‌ته‌وه‌‌


هەواڵی زیاتر

Copyright 2016. westga.net. All Rights Reserved.