‌كۆبوونه‌وه‌ی ئه‌نجومه‌نی وه‌زیرانی هه‌رێم ده‌ستیپێكرد
AM:11:20:12/01/2017

وێستگه‌ نیوز ـ
كه‌مێك پێش ئێستا كۆبوونه‌وه‌ی ئه‌نجومه‌نی وه‌زیرانی هه‌رێم له‌ شاری هه‌ولێر ده‌ستیپێكرد.


سه‌رچاوه‌یه‌كی ئاگادار له‌ ئه‌نجومه‌نی وه‌زیرانی هه‌رێم به‌ وێستگه‌ نیوزی راگه‌یاند: كه‌مێك پێش ئێستا به‌ سه‌رۆكایه‌تی نێچیرڤان بارزانی، سه‌رۆكی حكومه‌تی هه‌رێمی كوردستان و قوباد تاڵه‌بانی، جێگری سه‌رۆكی ئه‌نجومه‌نی وه‌زیران و ئاماده‌بوونی وه‌زیره‌كان، كۆبوونه‌وه‌ی ئه‌نجومه‌نی وه‌زیرانی هه‌رێم ده‌ستیپێكرد.

پێشتر سه‌رچاوه‌یه‌كی ئاگادار له‌ ئه‌نجومه‌نی وه‌زیرانی هه‌رێم به‌ وێستگه‌ نیوزی راگه‌یاندبوو: رۆژی پێنجشه‌ممه‌ 12ی كانوونی دووه‌می 2017، ئه‌نجومه‌نی وه‌زیرانی هه‌رێم یه‌كه‌م كۆبوونه‌وه‌ی خۆی له‌ ساڵی 2017 دا ساز ده‌كات.

ئه‌و سه‌رچاوه‌یه‌ راشیگه‌یاند: كۆبوونه‌وه‌كه‌ به‌ سه‌رپه‌شتی نێچیرڤان بارزانی، سه‌رۆكی ئه‌نجومه‌نی وه‌زیران و قوباد تاڵه‌بانی، جێگری سه‌رۆكی ئه‌نجومه‌نی وه‌زیران و ئاماده‌بوونی وه‌زیره‌كان ده‌بێت.

سه‌رچاوه‌كه‌ی وێستگه‌ له‌ ئه‌نجومه‌نی وه‌زیران روونیكرده‌وه‌: له‌ كۆبوونه‌وه‌كه‌دا رابه‌ر سدیق، بریكاری وه‌زاره‌تی دارایی به‌ وه‌كاله‌ت و ئاشتی هه‌ورامی، وه‌زیری سامانه‌ سروشتیه‌كانی هه‌رێم ئاماده‌ن، رابر سدیق راپۆرتێك له‌سه‌ر دابه‌شكردنی مووچه‌ له‌ ساڵی رابردوودا ده‌خوێنێته‌وه‌ و باس له‌ ئاماده‌كارییه‌كانی وه‌زاره‌ته‌كه‌شی ده‌كات بۆ دابه‌شكردنی مووچه‌ی مانگه‌كانی 11و 12ی ساڵی 2016".

راشیگه‌یاند: له‌ كۆبوونه‌وه‌كه‌دا ئاشتی هه‌ورامی، وه‌زیری سامانه‌ سروشتییه‌كانی هه‌رێم راپۆرتێك له‌سه‌ر داهاتی نه‌وت ده‌خوێنێته‌وه‌ و ورده‌كارییه‌كانی ئه‌و پرسه‌ ده‌خاته‌ڕوو.




ئه‌م بابه‌ته 540 جار خوێنراوه‌ته‌وه‌‌


هەواڵی زیاتر

Copyright 2017. westganews.com. All Rights Reserved.