‌بە وێنە.. لە گەرمیان ئاهەنگێکی بوک گواستنەوە بە شێوەی کۆنی کوردی بەڕێوەچوو
PM:01:52:12/01/2017

وێستگه‌ نیوز ـ
ئەوانەی لێرەدا دەبیندرێن هاتوون تا بەشداری لە ئاهەنگێکی بوک گواستنەوەدا بکەن و بە خەڵکی بڵێن سەرەڕای دۆخی ئێستا "ژیان بەردەوامە".

بەڕێوەبەرایەتی گشتی ڕۆشنبیری و هونەری گەرمیان ئەرکی سەرپەرشتیکردنی ئاهەنگێکی بە شێوازی کۆنی کوردی لە گەرمیان گرتە ئەستۆ، کە لە ئاهەنگەکەدا هەموو بڕگەکانی شای کۆن لەلایەن ئامادەبوانەوە جێ بەجێکرا.

محەمەد حاجی کامیلی زاوا و ماریا حاجی قادری بوک، جلی کۆنی کوردییان پۆشی و بە ئەسپ و عارەبانە ژیانێکی نوێیان دەستپێکرد.

بوک و زاوا و کەسانی نزیکی هەردوولا ڕۆشتنە نزیک قەڵای شیروانە و لەوێ زیاتر نیشانیاندا کە ئاهەنگەکەی ئەوان فۆلکۆلۆری کوردییە و گەڕانەوەیە بۆ سەردەمێک کە ئەمە یەکەم و کۆتا شێوازی ئاهەنگی بوک گواستنەوە بووە.

لە ئاهەنگەکەدا هەندێک لە هاوڵاتیان لەجێگای جوڵاندی ئۆتۆمبیلەکانیان ئەسپیان هێنا و یاری ڕمبازێنیان کرد کە کاتی کۆن بڕگەیەک بووە لە ئاهەنگی بوک گواستەوە.




ئه‌م بابه‌ته 824 جار خوێنراوه‌ته‌وه‌‌


هەواڵی زیاتر

Copyright 2016. westga.net. All Rights Reserved.