‌ره‌شاد گه‌ڵاڵی: رێگه‌ نه‌درا به‌رپرسێكی یه‌كێتی بێته‌ ناو مه‌خموره‌وه‌
PM:02:05:12/01/2017

وێستگه‌ نیوز ـ هەستیار
به‌رپرسێكی یه‌كێتی له‌ مه‌خمور ئاشكرایده‌كات، له‌ بازگه‌ی مه‌خمور رێگری له‌ چوونی لێپرسراوی كۆمیته‌ی حه‌مدانیه‌ی یه‌كێتی كراوه‌ بێته‌ ناو شاره‌وه‌.

ئه‌مڕۆ پێنجشه‌ممه‌ 12ی كانوونی دووه‌می 2017، ره‌شاد گه‌ڵاڵی، لێپرسراوی كۆمیه‌ته‌ی مه‌خموری یه‌كێتی نیشتمانی كوردستان به‌ وێستگه‌ نیوزی راگه‌یاند: شه‌وی رابردوو له‌ بازگه‌ی مه‌خموری پێشمه‌رگه‌ رێگری له‌ چونی غازی فه‌یسه‌ڵ كاكه‌یی، ئه‌ندامی مه‌ڵبه‌ندو لێپرسراوی كۆمیته‌ی حه‌مدانیه‌ی یه‌كێتی كرا بێته‌ مه‌خموره‌وه‌.

وتیشی: "له‌دوای په‌یوه‌ندیكردن به‌ لیژنه‌ی ناوچه‌ی مه‌خمورو هه‌وڵدانێكی زۆرو چه‌ندین به‌ڵێن دواجار رێگه‌ نه‌درا ئه‌و كادیره‌ی یه‌كێتی بێته‌ ناو مه‌خمور".

ئه‌مه‌ش له‌كاتێكدایه‌ شه‌وی سێشه‌ممه‌ 10ی كانوونی دووه‌می 2017، له‌ بازگه‌ی پردێ رێگه‌ نه‌درا په‌رله‌مانتاران سۆران عومه‌ر و عه‌لی حه‌مه‌ساڵح، بچنه‌ ناوشاری هه‌ولێره‌وه‌ و گه‌ڕێندرانه‌وه‌ بۆ سلێمانی.




ئه‌م بابه‌ته 1370 جار خوێنراوه‌ته‌وه‌‌


هەواڵی زیاتر

Copyright 2016. westga.net. All Rights Reserved.