بەوێنە: داعش لە حەویجە ژمارەیەك سەربازی عیراقی سەردەبڕێت
وێستگە نیوز-
لە چەند گرتەیەكی نوێیدا كە لەلایەن رێكخراوی داعشەوە بڵاوكراونەتەوە، چەكدارانی ئەو رێكخراوە لە قەزای حەویجەی باشووری كەركوك، ژمارەیەك سەربازی عیراقی و زیندانی كە تۆمەتی سیخوڕیكردنی رووبەڕووكردبوونەوە، سەردەبڕێت و و هەندێكی تریشیان گوللـەباران دەكات.
ئەكاونتەكانی سەر بە رێكخراوی داعش لە پێگە كۆمەڵایەتییەكان، ڤیدیۆیی رووداوی سەربڕین و گوللـەبارانكردنی ژمارەیەك سەربازی دیل و زیندانی رێكخراوەكەیان لە قەزای حەویجە بڵاوكردووەتەوە و تێیدا چەكدارانی ئەو رێكخراوە دەستگیراوەكان دەبەنە گۆڕپانێك لە شارۆچكەكە و لەوێ چاوییان دەبەستن و پاشان هەندێكیان سەردەبڕن و هەندێكی ترییان گوللـەباران دەكەن.
بەگوێرەی هەواڵ، ڤیدیۆكە لە دووری 100 میل لە باشووری خۆرهەڵاتی شاری موسڵ وێنەگیراوە و چەكدارە توندڕەوەكان تێیدا ئەو كارە بە جێبەجێكردنی "سزای ناپاكان" لەقەلًَەم دەدەن.
ئەوەش لەكاتێكدایە كە هێزە ئەمنییەكان لە ئۆپەراسیۆنە سەربازییەكانیاندا لە شاری موسڵ پێشڕەوی گەورەیان كردووە و تەواوی بەری چەپی شاری موسڵیان لە چەكدارانی داعش پاككردووەتەوە كە بە دوایین موڵگەی ئەو رێكخراوە لە عیراقدا دادەنرێت و تەنیا بەری راستی شارەكە لە دەستی داعشدا ماوە كە لە هاوینی ساڵی 2014وە دەستی بەسەردا گرتووە.
AM:08:40:20/01/2017
ئهم بابهته 12622
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت