گه‌شتی راسته‌وخۆی نێوان عیراق و بیلاروسیا ده‌ستیپێكردەوە
وێستگه نیوزـ
وه‌زاره‌تی گواستنه‌وه‌ی عیراق رایگه‌یاند كه گه‌شته راسته‌خۆكانی نێوان به‌غدا و مینسك-ی پایته‌ختی بیلاروسیا ده‌ستی پێكردووه.
كازم فنجان حمامی، وه‌زیری گواستنه‌وه‌ی عیراق راگه‌یاند كه نوسینگه‌ی بریكاری هێڵی ئاسمانیی عیراق له مینسك-ی پایته‌ختی بیلاروسیا كراوه‌ته‌وه و ده‌ستكراوه به گه‌شتی ئاسمانی له هه‌ردوو فڕۆكه‌خانه‌ی به‌غدا و به‌سره‌وه بۆ پایته‌ختی ئه‌و وڵاته.
وه‌زیری گواستنه‌وه‌ی عیراق راشیگه‌یاندووه كه ده‌ستكردن به‌و گه‌شتانه ده‌رگاش به رووی كۆمپانیاكانی فڕۆكه‌وانیی ئه‌وروپا ده‌كاته‌وه بۆ نیشتنه‌وه له فڕۆكه‌خانه‌كانی عیراق و هۆكارێكیشه بۆ هه‌ڵگرتنی ئه‌و گه‌مارۆیه‌ی له‌سه‌ر هێڵی ئاسمانیی عیراق بۆ جێبه‌جێكردنی رێوشوێنی ئاسایش و پاراستنی سه‌رنشینی فڕۆكه دانراوه.
هاوكات سامر كوبه، به‌ڕێوه‌به‌ری هێڵی ئاسمانیی عیراق رایگه‌یاندووه كه هێڵه‌كه‌یان به‌رووی جیهاندا كراوه‌ته‌وه و فڕۆكه بیانی و عه‌ربییه‌كانیش ده‌توانن به‌شێوه‌یه‌كی راسته‌وخۆ و به‌بێ وه‌ستان له‌رێی هێڵی ئاسمانیی عیراقه‌وه گه‌شت بكه‌ن.
له 17ی كانونی دووه‌می 2017، هێڵی ئاسمانیی عیراق رایگه‌یاند كه به‌منزیكانه گه‌شته‌كانی نێوان به‌غدا و بیلاروسیا ده‌ستپێده‌كاته‌وه و بۆ هه‌رگه‌شتێكی دوو سه‌ره نرخی بلیتی فڕۆكه ته‌نها 275 دۆلاره.
AM:11:12:22/01/2017
ئه‌م بابه‌ته 1549
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت