باندێكی دزیكردن ده‌ستگیر كرا


وێستگه‌ نیوز –
 به‌ڕێوه‌به‌رایه‌تی پۆلیسی راپه‌ڕین ده‌ستگیركردنی‌ باندێكی‌ له‌ شارۆچكه‌ی‌ قه‌ڵادزێ‌ راگه‌یاند.

له‌ راگه‌یه‌ندراوێكدا كه‌ وێنه‌یه‌كی‌ ده‌ست وێستگه‌ نیوز كه‌وتووه‌، به‌ڕێوه‌به‌رایه‌تی پۆلیسی راپه‌ڕین رایگه‌یاند كه‌ "باندێكی دزیكردن كه‌ پێكهاتوون له‌ (۷) كه‌س و سه‌رجه‌میان نه‌وجه‌وانن و هیچ یه‌كێك له‌و تۆمه‌تبارانه‌ ته‌مه‌نی (۱۸) ساڵی ته‌واو نه‌كردووه ده‌ستگیر كران‌".

له‌ راگه‌یه‌ندراوه‌كه‌دا ئاماژه‌ به‌وه‌شدراوه‌ كه‌ "پاش لێكۆڵینه‌وه‌ له‌گه‌ڵیاندا به‌شێكیان دانیان ناوه‌ به‌ دزیكردنی ژماره‌یه‌ك په‌له‌وه‌ر و چه‌ندین كه‌لوپه‌لی ئامێری ده‌نگی و سۆپا له‌ ناو مزگه‌وته‌كاندا".

پۆلیسی راپه‌ڕین ئه‌وه‌شی‌ خستووه‌ته‌ڕوو كه‌ "رێكاری یاسایی له‌ دژیان گیراوه‌ته‌به‌ر و لێكۆڵینه‌وه‌ له‌ گه‌ڵیاندا به‌رده‌وامه‌".


AM:08:29:20/02/2017


ئه‌م بابه‌ته 1713 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو