نوێترین زانیاری له‌سه‌ر پێشڕه‌وی هێزه عیراقییه‌كان له موسڵ
وێستگه نیوز ـ هه‌ستیار
لێپرسراوی راگه‌یاندنی مه‌ڵلبه‌ندی موسڵی یه‌كێتی نیشتمانی كوردستان رایده‌گه‌یه‌نێت، تا ئێستا هێزه‌كانی سوپای عیراق فڕۆكه‌خانه‌و سه‌ربازگه‌ی غه‌زلانیان له به‌ری راستی موسڵ كۆنتڕۆڵ كردووه‌ته‌وه‌و چوونه‌ته ناو هه‌ردوو گه‌ڕه‌كی ته‌یه‌ران و جۆسه‌ق-یشه‌وه.
غه‌یاس سورچی، لێپرسراوی راگه‌یاندنی مه‌ڵبه‌ندی موسڵی یه‌كێتی نیشتمانی كوردستان به وێستگه نیوزی راگه‌یاند: له ماوه‌ی 24 كاتژمێری رابردوودا هیچ پێشڕه‌ویه‌ك له لایه‌ن هێزه عیراقییه‌كانه‌وه به ئاڕاسته‌ی كۆنتڕۆڵكردنه‌وه‌ی گه‌ڕه‌ك و ناوچه‌كانی به‌ری راستی موسڵ به‌دی نه‌هاتووه.
وتیشی: "تا ئێستا هێزه‌كانی سوپای عیراق فڕۆكه‌خانه‌و سه‌ربازگه‌ی غه‌زلانی و چه‌ند گوند و ناوچه‌یه‌كی دیكه‌یان له رۆژئاوای موسڵ كۆنتڕۆڵ كردووه‌ته‌وه‌و چوونه‌ته ناو هه‌ردوو گه‌ڕه‌كی ته‌یه‌ران و جۆسه‌قیشه‌وه، به‌ڵام تا ئێستا كۆنتڕۆڵ نه‌كراون".
له 19ی شوباتی 2017، حه‌یده‌ر عه‌بادی، سه‌رۆك وه‌زیران و فه‌رمانده‌ی گشتی هێزه چه‌كداره‌كانی عیراق قۆناغی سێیه‌می ئۆپراسیۆنی كۆنتڕۆڵ كردنه‌وه‌ی موسڵی ده‌ستیپێكرد و تا ئێستا ژماره‌یه‌ك گوند و ناوچه‌ی ستراتیژی كۆنتڕۆڵكراونه‌ته‌وه.
AM:10:58:26/02/2017
ئه‌م بابه‌ته 1171
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت