ژنێکی دووگیان دوای نەشتەرگەری گیانی لەدەست دا

وێستگه‌ نیوز ـ
ئەنجامدانی نەشتەرگەری منداڵبوون بۆ دایکێکی خەڵکی مەریوان، گیان لەدەستدانی ئەو ژنەی بەدواوە بوو.

ئاژانسی هەواڵی کوردپا، كه‌ تایبه‌ته‌ به‌ رووماڵكردنی هه‌واڵه‌كانی رۆژهه‌ڵاتی كوردستان بڵاویكرده‌وه‌: لە رووداوێکی پزیشکی لە نەخۆشخانەی شاری مەریوان، ژنێک لەپاش نەشتەرگەریی سزاریەن گیانی له‌ ده‌ستدا.

ئه‌وه‌شی وتووه‌: "دایکەكه‌  ناوی س. مەولوودی تەمەن 31 ساڵ بووه‌".

به‌پێی زانیارییه‌كان، ناوبراو ئێوارەی پێنجشەممە، براوەتە نەخۆشخانەی "بوعلی" و رۆژی دواتر بە هۆکارێکی نادیار نەشتەرگەری سرووشتی بۆ ناکرێت و دەبرێتە ژووی سزاریەن.

لە هەواڵە بڵاوکراوەکاندا هاتووە کە نیوەڕۆی دوێنێ شەممە، ئەو ژنە بە هۆی بەربوونی لە رادەبەدەری خوێن و تێکچوونی دۆخی، گیانی لە دەست داوە.

لەئێستادا کۆرپەی ئەو ژنە زیندووە و لێکۆڵینەوە لە رووداوەکە بەردەوامە و بە وتەی بەڕێوەبەری تۆڕی تەندرووستی مەریوان رایگه‌یاندووه‌ "لە ئەگەری بوونی كه‌مته‌رخه‌می یان تاوانێك له‌م دۆسیه‌یه‌دا، سەرپێچیکاران سزا دەدرێن."

PM:12:02:26/02/2017

ئه‌م بابه‌ته 8054 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت