وەزارەتى تەندروستى عيراق پزیشکانى دەرچووى هەرێم دادەمەزرێنێت

وێستگە نیوز -
وەزارەتى تەندروستى عێراق  داواى لە دەرچووانى  کۆلێژە پزیشکییەکانى هەرێم کردووە فۆرمى وەزارەتەکەیان پڕکەنەوە بە مەبەستى دامەزراندنیان.

وەزارەتى تەندروستى عێراق  ئەمڕۆ ٢٧ى شوباتى ٢٠١٧ ،  داوای لە دەرچووانى کۆلێژەکانى پزیشکی گشتى و  ددان و پەرستارى و  تەکنیکى پزیشکى ساڵى  ٢٠١٥ ـ ٢٠١٦  هەرێمى کوردستان کردووە، فۆرمى دامەزراندنى وەزارەتەکەیان پڕکەنەوە.

ئاماژە بەوەشکراوە، پێویستە دەرچووەکان سەردانى  بنکەى پلاندانان و گەشەندنى وەزارەتى تەندروستى عێراق بکەن بە مەبەستى پڕکردنەوەى فۆرمەکە.

وەزارەتى تەندروستى عێراق  ئەوەشی بڵاوکردووەتەوە، پێویستە دەرچووەکان فەرمانى دەرچوونى زانکۆى و بڕوانامە بە نمرە  و لە کام خول دەرچووە یەکەم یان دووەم  لەگەڵ خۆى بهێنێت ، پێویستە لە ماوەى دوو هەفتەدا فۆرمەکە پڕکەنەوە.

ئەمەش لە کاتێکدایە لە ماوەى ڕابردوودا لە هەرێمى کوردستانیش ژمارەیەک پزیشک و کارمەندى پزیشکى و  دامەزرێندران ، بەڵام  تا ئێستا سەدان دەچووى ئەو بوارانە دانەمەزراون و لە هەفتەى ڕابردوودا خۆپیشاندانیان ئەنجامدا داوایان کرد  حکومەت دایانمەزرێنێت.

PM:12:56:27/02/2017

ئه‌م بابه‌ته 1135 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت