ئه‌ژین قادر: پێشه‌نگایه‌كی‌ له‌سه‌ر سروشتی‌ كوردستان كرده‌وه‌


وێستگە نیوز -

خانمه‌ فۆتۆگرافه‌ر ئه‌ژین قادر له‌ رێگه‌ی‌ پێشه‌نگایه‌كی‌ تایبه‌ته‌وه‌ له‌ ژێر ناونیشانی‌ (راگوزه‌رێك به‌خاكی‌ پیرۆزدا) ده‌یه‌وێت دیمه‌نی‌ جوانی‌ كوردستان پیشانی‌ هاوڵاتیان بدات.  
 
ئه‌و خانمه‌ فۆتۆگرافه‌ره‌ بۆ میترۆ وتی‌: ئه‌م پێشه‌نگایه‌ به‌رهه‌می‌ سێ‌ ساڵی‌ كاركردنمه‌ و به‌پێی‌ كاته‌كانی‌ خۆم رۆژانه‌ ده‌چمه‌ ده‌ره‌وه‌ی‌ شار وێنه‌ی‌ دیمه‌نه‌ جوانه‌كانی‌ كوردستان ده‌گرم.
 
ئه‌و وتی‌: ئامانج له‌ كردنه‌وه‌ی‌ ئه‌م پێشه‌نگایه‌ ئه‌وه‌یه‌ ده‌مه‌وێت وێنه‌ی‌ سروشته‌ جوانه‌كانی‌ كوردستان پیشانی‌ ئه‌و هاوڵاتیانه‌ بده‌م كه‌ ناتوانن سه‌ردانی‌ ئه‌و شوێنانه‌ بكه‌ن.

ئه‌ژین قادر ئاماژه‌ی‌ به‌وه‌شدا كه‌: پێشه‌نگاكه‌ی‌ له‌ 57 فۆتۆی‌ سروشتی‌ كوردستان پێكهاتووه‌.
 
ئه‌وه‌شی‌ خسته‌ڕوو كه‌: ئه‌مه‌ یه‌كه‌م كاری‌ تایبه‌تیمه‌ و بۆ 8ی‌ مارسیش پێشه‌نگایه‌كی‌ تایبه‌تم هه‌یه‌ له‌سه‌ر رۆڵی‌ ژن كۆمه‌ڵگه‌ی‌ خۆماندا.
 
فۆتۆكان: سه‌ركۆ كه‌مال




PM:10:07:27/02/2017




















ئه‌م بابه‌ته 6383 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو