‌پاریس..هەرێمی کوردستان بەشداریی کۆنفڕانسی نێودەوڵەتی یونسکۆی كرد
PM:05:52:20/03/2017

وێستگه‌ نیوزـ

ئەمڕۆ دووشەممە 20ی ئازاری 2017، کۆنفڕانسی نێودەوڵەتی ڕێکخراوی یونسکۆ تایبەت بە پەروەردە لە پاریسی پایتەختی فەڕەنسا دەستیپێکرد.

كۆنفرانسه‌كه‌ لەژێر ناوی (پەروەردە لە کاتی تەنگەتاوێ و قەیرانەکان)دا به‌ڕێوه‌ده‌چێت و ماوەی پێنج ڕۆژ دەخایەنێت، وه‌ك لاپه‌ڕه‌ی وه‌زاره‌تی په‌روه‌رده‌ له‌ تۆڕی كۆمه‌ڵایه‌تیی فه‌یسبوك ئاماژه‌ی پێداوه‌، هاوشانی دەیان وەزیر و ڕاوێژکار و پسپۆڕ، پشتیوان سادق، وەزیری پەروەردەی حکومەتی هەرێمی کوردستانیش تێیدا بەشدارە.

 له‌ کۆنفڕانسەکە باس له‌ کێشە و گرفتی خوێندنی قوتابیان و خوێندکارانی لە کاتی قەیرانەکان و دۆزینەوەی ڕێگەچارەی گونجاو بەهۆی تەکنیک و تەکنۆلۆژیای مۆدێڕنەوەدەکرێت.

 بۆ هەرێمی کوردستانیش گرنگە کە بەشدارێکی کۆنفڕانسەکەیە تا لە ڕێگەی ئەو باس و گفتوگۆ و پانێڵەوەی کە بۆی دیاریکراوە باسی ئاریشە و گرفتەکانی بەردەم سێکتەری پەروەردە و قورسیی باری ئاوارە و پەنابەران لە هەرێمی کوردستان بکرێت.




ئه‌م بابه‌ته 1409 جار خوێنراوه‌ته‌وه‌‌


هەواڵی زیاتر

Copyright 2017. westganews.com. All Rights Reserved.