باری كه‌شوهه‌وای ئه‌مڕۆ و سبه‌ینێ سێشه‌ممه راگه‌یه‌ندرا
وێستگه نیوزـ
به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان باری كه‌شوهه‌واو پله‌كانی گه‌رمای ئه‌مڕۆ و سبه‌ینێ سێشه‌ممه‌ی راگه‌یاند و ئاماژه‌ی به‌وه‌دا كه سبه‌ینێ ئاسمان هه‌وری ته‌واو ده‌بێت له‌گه‌ڵ ئه‌گه‌ری نمه باران له هه‌ندێك ناوچه‌ی جیاواز.
به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی كه‌شناسی هه‌رێم رایگه‌یاند: ئه‌مڕۆ ئاسمانی هه‌رێم ساماڵ ده‌بێت له‌گه‌ڵ هه‌ندێ په‌ڵه هه‌ور.
له باره‌ی پله‌كانی گه‌رماوه ده‌ڵێت: "له هه‌ولێر به‌رزترین پله 21 پله، سلێمانی 18 پله، دهۆك 19 پله‌و كه‌ركوك 22 پله‌ی سه‌دی ده‌بێت".
له باره‌ی كه‌شوهه‌وای سبه‌ینێ سێشه‌ممه 28ی ئازاری 2017، كه‌شناسی هه‌رێم ئاماژه‌ی به‌وه‌داوه: ئاسمان هه‌وری ته‌واو ده‌بێت، له‌گه‌ڵ ئه‌گه‌ری نمه‌باران له هه‌ندێك ناوچه‌ی جیاواز.
له باره‌ی پله‌كانی گه‌رماوه بڵاویكردووه‌ته‌وه: له هه‌ولێر به‌رزترین پله 19، سلێمانی 16 پله و دهۆك 17 پله و كه‌ركوك 21.
AM:11:00:27/03/2017
ئه‌م بابه‌ته 39777
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت