‌به‌ڕێوه‌به‌ری‌ چاودێری‌ بازرگانی‌: نرخی‌ برنج به‌رز بووه‌ته‌وه‌
AM:11:17:18/04/2017

وێستگه‌ نیوزـ پشتیوان جه‌مال
له‌ بازاڕه‌كانی‌ شاری‌ سلێمانی‌ نرخی‌ برنج به‌رزبوونه‌وه‌ی‌ به‌خۆوه‌ بینیوه‌ و به‌رپرسی‌ چاودێَری‌ بازرگانیش ده‌ڵێت، گرانبوونه‌كه‌ په‌یوه‌ندی‌ به‌ سه‌رچاوه‌ی‌ هاورده‌كه‌یه‌وه‌ هه‌یه‌.


سۆران عه‌بدولغه‌فور، به‌ڕێوه‌به‌ری‌ چاودیری‌ بازرگانی‌ سلێمانی‌ بۆ وێستگه‌ نیوزی‌ روونكرده‌وه‌، له‌ هه‌فته‌ی‌ رابردووه‌وه‌ نرخی‌ برنج به‌رزبوونه‌وه‌ی‌ زۆری‌ به‌خۆوه‌ بینیوه‌ و وتی‌: "هۆكاری‌ به‌رزبوونه‌وه‌كه‌ په‌یوه‌ندی‌ به‌ سه‌رچاوه‌كه‌ی‌ هاورده‌كه‌یه‌وه‌ هه‌یه‌ كه‌ له‌ وڵاتی‌ هیندستانه‌وه‌ دێت، له‌وێ هه‌موو ته‌نێك نزیكه‌ی‌ 500 دۆلار گرانتر بووه‌ و ئه‌وه‌ش كاریگه‌ری‌ له‌سه‌ر بازاڕی‌ ئێمه‌ دروستكردووه‌ و هه‌موو فه‌رده‌یه‌ك دوو هه‌زار و 500 هه‌زار زیادی‌ كردووه‌".

ناوبراو ره‌تیكرده‌وه‌ نرخی‌ ئارد به‌رزبووبێته‌وه‌ و ئاماژه‌ی‌ به‌وه‌كرد، نرخی‌ فه‌رده‌یه‌ك ئاردی‌ بایه‌عی‌ 16 هه‌زار دیناره‌ و بوشله‌ری‌ توركیش 25 هه‌زار و 500 دیناره‌ و به‌رده‌وامیش چاودێری‌ نرخه‌كان ده‌كه‌ن.




ئه‌م بابه‌ته 10360 جار خوێنراوه‌ته‌وه‌‌


هەواڵی زیاتر

Copyright 2016. westga.net. All Rights Reserved.