‌به‌غدا.. تەقینەوەی بۆمبێك پێنج كوژراو و برینداری لێكه‌وته‌وه‌
PM:10:06:18/04/2017

وێستگه‌ نیوزـ

به‌هۆی ته‌قینه‌وه‌ی بۆمبێكی ته‌وقیتكراو له‌ ناوچه‌یه‌كی باكوری خۆرئاوای به‌غدا، پێنج كه‌س كوژران و برینداربوون.

به‌وته‌ی سه‌رچاوه‌یه‌كی ئه‌منی، بۆمبه‌كه‌ له‌ نزیك بازاڕێكی میللیی ناوچه‌ی شوعله‌-ی باكوری خۆرئاوای به‌غدا چێنراوه‌ و دوای ته‌قینه‌وه‌ی هاوڵاتییه‌ك كوژراوه‌ و چواری دیكه‌ش برینداربوون.

له‌دوای ته‌قینه‌وه‌ی بۆمبه‌كه‌ش، هێزه‌ ئه‌منییه‌كانی به‌غدا هاتوچۆیان له‌و رێگایانه‌ قه‌ده‌غه‌ كردووه‌ كه‌ ده‌چنه‌وه‌ ناوچه‌ی كازمییه‌ی نزیك له‌ شوێنی رووداوه‌كه‌.

سه‌رچاوه‌ ئه‌منییه‌كه‌ راشیگه‌یاندووه‌ كه‌ ته‌قینه‌وه‌كه‌ هاوكات بووه‌ له‌گه‌ڵ گرتنبه‌ری رێوشوێنی توندی ئه‌منی به‌بۆنه‌ی سه‌ردانی ملیۆنان گه‌شتیار بۆ مه‌زاری ئیمام موسای كازم كه‌ بڕیاره‌ سه‌ره‌تای هه‌فته‌ی داهاتوو ده‌ستپێ بكات.




ئه‌م بابه‌ته 1857 جار خوێنراوه‌ته‌وه‌‌


هەواڵی زیاتر

Copyright 2017. westganews.com. All Rights Reserved.