‌له‌ شرناخ رووبه‌ڕووبوونه‌وه‌ له‌نێوان گه‌ریلاكانی‌ په‌كه‌كه‌ و سوپای‌ توركیا روویدا
PM:01:02:21/04/2017

وێستگه‌ نیوز –
 له‌ شاری‌ شرناخی‌ باكووری‌ كوردستان رووبه‌ڕووبوونه‌وه‌ له‌نێوان گه‌ریلاكانی‌ پارتی‌ كرێكارانی‌ كوردستان "په‌كه‌كه‌" و سوپای‌ توركیا روویدا و له‌ ئه‌نجامدا ژماره‌یه‌ك سه‌رباز كوژران و برینداربوون.

ئاژانسی‌ ئه‌نادۆڵی‌ حكومی‌ توركیا بڵاویكرده‌وه‌ ئه‌مڕۆ هه‌ینی‌ گه‌ریلاكانی‌ پارتی‌ كرێكارانی‌ كوردستان "په‌كه‌كه‌" هێرشیان كرده‌سه‌ر بنكه‌یه‌كی‌ سه‌ربازی‌ سوپا له‌ شارۆچه‌كه‌ی‌ قلەبانی سه‌ر به‌ شاری‌ شرناخ.

ئاژانسه‌كه‌ له‌ زاری‌ سه‌رچاوه‌ سه‌ربازییه‌كانه‌وه‌ بڵاویكرده‌وه‌ كه‌ له‌ ئه‌نجامی‌ هێرشه‌كه‌دا دوو سه‌رباز كوژران و دووانی‌ تر برینداربوون.

ئاماژه‌شی‌ به‌وه‌دا كه‌ سه‌ربازه‌ برینداره‌كان به‌ هێلیكۆپته‌ری‌ سه‌ربازی‌ گوازرانه‌وه‌ بۆ نه‌خۆشخانه‌ی‌ شرناخی‌ حكومی‌ و دواتر سوپای‌ توركیا پرۆسه‌یه‌كی‌ سه‌ربازی‌ له‌ ناوچه‌كه‌ ده‌ستی‌ پێكرد.




ئه‌م بابه‌ته 7257 جار خوێنراوه‌ته‌وه‌‌


هەواڵی زیاتر

Copyright 2016. westga.net. All Rights Reserved.