كه‌شوهه‌وای ئه‌مڕۆ و سبه‌ینێ یه‌كشه‌ممه راگه‌یه‌ندرا
وێستگه نیوز –
به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان ره‌وشی كه‌شوهه‌وای ئه‌مڕۆ و سبه‌ینێ یه‌كشه‌ممه‌ی راگه‌یاند و ئاماژه‌ی به‌وه‌دا كه ئاسمان ساماڵ ده‌بێت له‌گه‌ڵ په‌یدابوونی په‌ڵه‌هه‌وری جیاجیا و سبه‌ینێ نمه‌باران ده‌بێت.
به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان رایگه‌یاند: ئه‌مڕۆ له شاره‌كانی هه‌ولێر و سلێمانی و دهۆك ئاسمان ساماڵ ده‌بێت له‌گه‌ڵ په‌یدابوونی په‌ڵه‌هه‌وری جیاجیا.
كه‌شناسی هه‌رێم ئه‌وه‌شی خستووه‌ته‌ڕوو كه سبه‌ینێ یه‌كشه‌ممه 23ی نیسانی 2017 له شاره‌كانی هه‌ولێر و سلێمانی و كه‌ركوك و دهۆك ئاسمان له‌نێوان نیمچه‌هه‌وۆ بۆ هه‌وری ته‌واو ده‌بێت له‌گه‌ڵ بارینی نمه‌باران له كاته‌كانی ئێواره‌دا.
AM:11:04:22/04/2017
ئه‌م بابه‌ته 22873
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت