نادیه‌ به‌رهه‌مێكی نوێ بڵاوده‌كاته‌وه‌


وێستگه‌ نیوز -
 هونه‌رمه‌ند  نادیه‌   به‌رهه‌مێكی  نوێ به‌  زمانی ئینگلیزی بڵاوده‌كاته‌وه‌  و  ده‌ڵێت  "وتنی  گۆرانی  به‌  ئینگلیزی  بۆ  من ئاسانتره‌".

له‌ په‌یوه‌ندییه‌كی تایبه‌ت به‌ وێستگه‌ نیوز، نادیه‌ وتی: "نوێترین كاری  هونه‌ری  من  به‌رهه‌مێكه‌ به‌  زمانی ئینگلیزی به‌  ناوی (Crazy) (شێت)".

وتیشی‌: "به‌رهه‌مه‌كه‌  ئاوازی  خۆمه‌  و هۆنراوه‌كه‌شی  به‌  هاوبه‌شی له‌گه‌ل  لیانا  مكدۆنالد نوسیومانه‌ و وێران پڕۆده‌كشن  كاری  موزیك و  تۆماركردنی بۆ كردووه‌".

ئه‌و هونه‌رمه‌نده‌ ئه‌وه‌ی نه‌شارده‌وه‌ به‌هۆی ئه‌وه‌ له‌  ته‌مه‌نی چوار ساڵیه‌وه‌  چۆته‌  ده‌ره‌وه‌ی  كوردستان  وتنی  گۆرانی  ئینگلیزی بۆ ئه‌و  ئاسانتره‌، به‌ڵام ده‌ڵێت: "حه‌ز به‌  وتنی  گۆرانی  كوردی  و ئینگلیزی  ده‌كه‌م".

له‌  كۆتای  وته‌كانی نادیه‌ ئاماژه‌ی‌ به‌وه‌دا كه‌ "به‌رهه‌مه‌كه‌ باسی  خۆشه‌ویستی  ده‌كات، له‌  داهاتوودا  كاری كلیپی بۆ ده‌كه‌ین به‌ شێوه‌یه‌كی  جیاواز و له‌ ناو ستۆدیۆیه‌كی تایبه‌تدا".

نادیه‌ یاسین یه‌كێكه‌ له‌ كچه‌ هونه‌رمه‌نده‌ه‌كانی كوردستان، ساڵی 1999 ده‌ستی به‌ كاری هونه‌ری كردووه‌  زیاتر به‌ گۆرانی "شادم" ناسرا، دوایین كاری هونه‌ری بڵاوكردنه‌وه‌ی كلیپێك بوو به‌ناوی (جیابوونه‌وه‌) و له‌ ئێستادا له‌ وڵاتی  كه‌نه‌دا ده‌ژی.


PM:02:18:22/04/2017










ئه‌م بابه‌ته 8272 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو