كۆبوونهوهی پارتی و یهكێتی له پیرمام كۆتایی هات
وێستگه نیوز ـ
كۆبوونهوهی پارتی دیموكراتی كوردستان و یهكێتی نیشتمانی كوردستان له هاوینهههواری پیرمام كۆتایی هات و بهرپرسێكی پارتیش زانیاری لهسهر كۆبوونهوهكه دهخاتهڕوو.
مەحمود محەمەد، وتەبێژی پارتی بە ميدياي رووداوي راگەیاند: "شاندی یەکێتی نیشتمانی کوردستان لە کۆبوونەوەکەدا بە ئێمەیان وت، پرسی ریفراندۆم و کاراکردنەوەی پەرلەمان بەیەکەوە نابەستنەوە و ئەمە دووشتی جیاوازن و پەیوەندییان بە یەکەوە نییە".
وتەبێژی پارتی هەروەها وتی: "بەمزووانە کۆبوونەوەیەکی فراوانی لایەنە سیاسییەکان دەکرێت بۆ دروستکردنی کۆمیتەی ریفراندۆم، ئامادەیی و توانای کۆمسیۆنی هەڵبژاردنەکان وا دەکات بڕیار لەبارەی رۆژی گشتپرسییەوە بدرێت".
رۆژی یەکشەممە 23-4-2017 هەردوو مەکتەبی سیاسی پارتی و یەکێتی لە پیرمام بە ئامادەبوونی مەسعود بارزانی، سەرۆکی هەرێمی کوردستان کۆبوونەوە و تەوەری سەرەکی کۆبوونەوەکەش بابەتی راثرسي بوو.
شاندەکەی پارتی بە سەرۆکایەتی بارزانی پێکهاتبوون لە فازڵ میرانی ، رۆژ نووری شاوەیس ، هۆشیار زێباری ، مەحموود محەممەد ، مەسروور بارزانی و ئازاد بەرواری.
شاندەکەی یەکێتی بە سەرۆکایەتی کۆسرەت رەسوڵ پێکهاتبوون لە مەلا بەختیار ، حاکم قادر ، عومەر فەتاح ، ئاسۆ مامەند و رزگار عەلی.
ئەمەش لە کاتێکدایە دوێنێ سەرکردایەتی هاوبەشی گۆڕان و
یەکێتی کۆبوونەوە و لە ڕاگەیەندراوێکدا ئاماژەیان بۆ ئەوە کرد کە راگەیاندنی سەربەخۆیی مافی گەلی كوردستانە و پێویستە ئامادەكاری
هەمەلایەنەی بۆ بكرێت بەئەنجامدانی ریفراندۆمیشەوە. ئەم بابەتە بابەتێكی
نیشتمانیە و لەبەر رۆشنایی بەرژەوەندییە باڵاكانی گەلی كوردستان لە
پەرلەمانی كوردستان یەكلایی دەكرێتەوە.
لەڕاگەیەندراوەکەیاندا دەشڵێن: "هەردوولا كۆكن لەسەر ئەنجامدانی ریفراندۆم
لە ناوچە كوردستانییەكانی دەرەوەی سنوری ئیداریی هەرێمی كوردستان".
هەفتەی رابردووش مەکتەبی سیاسی پارتی و یەکێتی کۆبونەوە و بڕیاریاندا
کۆمیتەیەکی هاوبەش بە بەشداری سەرجەم هێزو لایەنەکان بۆ سەرپەرشتیکردنی
دۆسیەی ڕیفراندۆم پێکبهێنرێت.
لەماوەی رابردوودا شاندی هاوبەشی یەکێتی و پارتی سەردانی یەکگرتووی
ئیسلامی و کۆمەڵ و حزبی شیوعی و بزووتنەوەی ئیسلامی و حزبی سیۆسیالیت و
تورکمان و مەسیحیەکانیان کرد و تاوتوێی پرسی ڕیفراندۆمیان کرد،
بزووتنەوەی گۆڕانیش ڕەتیکردەوە لەگەڵ شاندەکەدا کۆببێتەوە و گۆڕان
ڕایگەیاند "ئەنجامدانی ڕیفراندۆم پێویست بە کۆبوونەوەی حزبی ناکات".
هەروەها شاندی پارتی و یەکێتی سەردانی شاری بەغدایان کرد و لەگەڵ
ژمارەیەک لە بەرپرسانی حکومەتی عیراقیدا کۆبوونەوە و باسی بابەتی
ڕیفراندۆمیان کرد و دواتریش شاندە هاوبەشەکەی یەکێتی و پارتی لەگەڵ
کونسوڵخانەی چەندین وڵات لە شاری هەولێر کۆبوونەوە بە مەبەستی
گفتوگۆکردن لەبارەی ئەنجامدانی ڕیفراندۆمەوە.
PM:02:26:23/04/2017
ئهم بابهته 6817
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت