‌كه‌شناسی‌ عیراق: پێنجشه‌ممه‌ و هه‌ینی‌ باران ده‌بارێت
PM:09:37:15/05/2017
‌فۆتۆ: ئەرشیف

وێستگه‌ نیوز – ده‌سته‌ی‌ كه‌شناسی‌ عیراق پێشبینی‌ كرد رۆژانی‌ پێنجشه‌ممه‌ و هه‌ینی‌ بارانێكی‌ كه‌م ببارێت و پله‌كانی‌ گه‌رما به‌رزببنه‌وه‌.

ئه‌مڕۆ دووشه‌ممه‌ ده‌سته‌ی‌ كه‌شناسی‌ عیراق له‌ راگه‌یه‌ندراوێكدا وتی‌: "به‌هۆی‌ كاریگه‌ری‌ نزمه‌پاڵه‌په‌ستۆیه‌ك كه‌ له‌ توركیاوه‌ دێت، رۆژی‌ پێنجشه‌ممه‌ی‌ داهاتوو له‌ ناوچه‌كانی‌ باكوور و ناوه‌ڕاست ئاسمان له‌نێوان نیمچه‌هه‌ور بۆ هه‌وری‌ ته‌واو ده‌بێت و بارانێكی‌ كه‌م ده‌بارێت و هه‌ندێك كات هه‌وره‌تریشقه‌ی‌ له‌گه‌ڵدا ده‌بێت".

ئاماژه‌شی‌ به‌وه‌داوه‌ كه‌ به‌هۆی‌ كاریگه‌ری‌ نزمه‌پاڵه‌په‌ستۆیه‌ك كه‌ له‌ ده‌ریای‌ سووره‌وه‌ دێت له‌ ناوچه‌كانی‌ باشوور ئاسمان له‌نێوان نیمچه‌هه‌ور بۆ هه‌وری‌ ته‌واو ده‌بێت و ئه‌گه‌ری‌ نمه‌باران به‌تایبه‌تی‌ له‌ شه‌ودا هه‌یه‌.

كه‌شناسی‌ عیراق ئه‌وه‌شی‌ خستووه‌ته‌ڕوو كه‌ رۆژی‌ هه‌ینی‌ ئاسمانی‌ ناوچه‌كانی‌ باكوور و ناوه‌ڕاست له‌نێوان نیمچه‌هه‌ور بۆ هه‌وری‌ ته‌واو ده‌بێت و باران ده‌بارێت و هه‌ندێك كات هه‌وره‌تریشقه‌ی‌ له‌گه‌ڵدا ده‌بێت و له‌ هه‌ندێ‌ ناوچه‌ش خۆڵبارین ده‌بێت و پله‌كانی‌ گه‌رما كه‌مێك به‌رزده‌بنه‌وه‌.

راشیگه‌یاندووه‌ كه‌ له‌ ناوچه‌كانی‌ باشووری‌ ئاسمان نیمچه‌ هه‌ور ده‌بێت و پله‌كانی‌ گه‌رما وه‌ك رۆژانی‌ پێشووتر ده‌بێت.

ده‌سته‌ی‌ كه‌شناسی‌ عیراق پێشبینیشی‌ كردووه‌ كه‌ به‌راورد به‌ ساڵی‌ رابردوو، هاوینی‌ ئه‌مساڵ‌ پله‌كانی‌ گه‌رما به‌رزتر بن و له‌ ناوچه‌ جیاوازه‌كانی‌ عیراق خۆڵبارین هه‌بێت.






ئه‌م بابه‌ته 56745 جار خوێنراوه‌ته‌وه‌‌


هەواڵی زیاتر

Copyright 2017. westganews.com. All Rights Reserved.