‌یه‌كه‌م رۆژی‌ مانگی‌ ره‌مه‌زان له‌نێوان ئه‌م دوو رۆژه‌دایه‌
AM:10:27:19/05/2017


وێستگه‌ نیوز- پشتیوان جه‌مال

به‌رپرسێكی‌ وه‌زاره‌تی‌ ئه‌وقاف و كاروباری‌ ئاینی‌ رایده‌گه‌یه‌نێت، ئێواره‌ی‌ رۆژی‌ 25-5-2017 لیژنه‌ی‌ بینینی‌ مانگ بۆ دیاریكردنی‌ یه‌كه‌م رۆژی‌ مانگی‌ ره‌مه‌زان كۆده‌بنه‌وه‌ و گومانه‌كانیش له‌نێوان 26 یاخود 27-5-2017 ده‌بن.

نه‌به‌ز ئیسماعیل، وته‌بێَژی‌ وه‌زاره‌تی‌ ئه‌وقاف و كاروباری‌ ئاینی‌ به‌ وێستگه‌ نیوزی‌ راگه‌یاند، بۆ دیاریكردنی‌ یه‌كه‌م رۆژی‌ مانگی‌ ره‌مه‌زانی‌ پیرۆز، لیژنه‌ی‌ باڵای‌ بینینی‌ مانگ ئێواره‌ی‌ رۆژی‌ 25-5-2017 كۆده‌بنه‌وه‌ و وتی‌ "گومانه‌كان بۆ یه‌كه‌م رۆژی‌ مانگی‌ ره‌مه‌زان له‌نێوان 26-5 یاخود 27-5-2017یه‌، واته‌ ئه‌گه‌ر 26-5 نه‌بێت، بێگومان 27-5 ده‌بێت".

ناوبراو وتیشی‌ "تائێستا وه‌كو ئه‌وقاف هیچ لێدوانێكی‌ دیكه‌یان بۆ دیاریكردنی‌ یه‌كه‌م رۆژی‌ مانگی‌ ره‌مه‌زان نه‌داوه‌، به‌ڵكو لیژنه‌ی‌ تایبه‌تمه‌ند له‌ڕێگه‌ی‌ وته‌بێژی‌ ئه‌وقافه‌وه‌ رایده‌گه‌یه‌نێت".




ئه‌م بابه‌ته 17016 جار خوێنراوه‌ته‌وه‌‌


هەواڵی زیاتر

Copyright 2017. westganews.com. All Rights Reserved.