هاوسه‌رگیریه‌كی خه‌مناك


وێستگه‌ نیوزـ

له‌ دیمه‌نێكدا كه‌ له‌ یه‌ك كاتدا هه‌م رۆمانسی و هه‌م غه‌مگینیشه‌، له‌ ژورێكی نه‌خۆشخانه‌یه‌كی به‌ریتانیا رێوڕه‌سمی هاوسه‌رگیریی نێوان پیاوێك و خۆشه‌ویسته‌كه‌ی به‌ڕێوه‌چوو.

رێوڕه‌سمه‌كه‌ له‌ نه‌خۆشخانه‌ی سپرینگ هیل برۆشدیڵ له‌ به‌ریتانیا رێكخرا و تیایدا تراسی برۆكس-ی ته‌مه‌ن 45 ساڵ له‌ پیاوێك به‌ناوی رای كیرشاو ماره‌ كرا كه‌ ته‌مه‌نی 63 ساڵه‌ و به‌ده‌ست نه‌خۆشیی شێرپه‌نجه‌ی رێخۆڵه‌وه‌ ناڵاندویه‌تی.

به‌گوێره‌ی هه‌واڵێكی سایتی ده‌یلی مه‌یڵ، شێرپه‌نجه‌كه‌ی كیرشاو سه‌خته‌ و پزیشكه‌كان وتویانه‌ چه‌ند رۆژێكی له‌ژیاندا ماوه‌، هه‌ربۆیه‌ ئه‌و له‌گه‌ڵ تراسی په‌له‌یان له‌ رێوڕه‌سمی هاوسه‌رگیرییه‌كه‌یان كردووه‌.

هاوكات كه‌سانی خۆبه‌خش ده‌ستپێشخه‌ربوون له‌ به‌ڕێكردنی رێوڕسمه‌كه‌ و به‌ هێنانی گوڵ و خه‌رجیی جلی بوكێنی و هێنانی ئۆتۆمبیل كێكی زه‌ماوه‌نده‌كه‌یان له‌ ئه‌ستۆی خۆیان گرتووه‌.

 


PM:11:46:22/05/2017








ئه‌م بابه‌ته 31187 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت