بافڵ تاڵه‌بانی‌: نەوشیروان مستەفا دەستی هەبوە لە زۆرترین سەرکەوتنەکانی گەلی کورددا


وێستگه‌ نیوز-
بافڵ تاڵه‌بانی‌ كوڕه‌ گه‌وره‌ی‌ جه‌لال تاڵه‌بانی‌ رایگه‌یاندووه‌، له‌ده‌ستدانی‌ نه‌وشیروان مسته‌فا خه‌ساره‌تێكی‌ گه‌وره‌ بوو، چونكه‌ نه‌وشیروان مسته‌فا سه‌كرده‌یه‌كی‌ خاكی‌ و له‌خۆ بردوو بوو.

میدیای‌ گۆڕان بڵاویكرده‌وه‌، پاشنیوه‌ڕۆی‌ ئه‌مڕۆ چوارشه‌ممه‌ له‌ سلێمانی‌ بافڵ  تاڵه‌بانی‌ كوڕه‌ گه‌وره‌ی‌ جه‌لال تاڵه‌بانی‌، سكرتێری‌ گشتی‌ یه‌كێتی‌ نیشتیمانی‌ كوردستان، بۆ گه‌یاندی‌ پرسه‌ و سه‌ره‌خۆشی‌ خۆی‌ سه‌ردانی‌ خانه‌واده‌ی‌ نه‌وشیروان مسته‌فای كرد‌ووه‌.

بافڵ تاڵه‌بانی‌ رایگه‌یاندووه‌ "له‌ده‌ستدانی‌ نه‌وشیروان مسته‌فا خه‌ساره‌تێكی‌ گه‌وره‌ بوو، چونكه‌ نه‌وشیروان مسته‌فا سه‌كرده‌یه‌كی‌ خاكی‌ و له‌خۆ بردوو بوو، هه‌رچی‌ هه‌بوو له‌ژیانیدا بۆ خزمه‌تی‌ گه‌له‌كه‌ی‌ ته‌رخانی‌ كردبوو".

ئاماژه‌ی به‌وه‌شكردووه‌، نه‌وشیروان مسته‌فا ده‌ستی‌ هه‌بووه‌ له‌ زۆرترین ئه‌و سه‌ركه‌وتنانه‌ی‌ كه‌ گه‌لی‌ كورد به‌ده‌ستیهێناون بۆیه‌ ده‌بێت مێژوو و خه‌باتی‌ له‌به‌رچاو بگیرێت.

رۆژی‌ 19-5-2017 نه‌وشیروان مسته‌فا رێكخه‌ری‌ گشتی‌ بزوتنه‌وه‌ی‌ گۆڕان له‌ ماڵی‌ خۆی‌ له‌ سلێمانی‌ به‌هۆی‌ نه‌خۆشییه‌وه‌ كۆچی‌ دوایی‌ كرد، له‌ مه‌راسیمی‌ به‌خاكسپاردن و پرسه‌كه‌یدا ئه‌ندامانی‌ سه‌ركردایه‌تی‌ و مه‌كته‌بی‌ سیاسی‌ ئاماده‌بوون.


PM:09:42:31/05/2017


ئه‌م بابه‌ته 6923 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو