‌ده‌رهێنه‌ره‌كه‌ی‌، ره‌خنه‌ی‌ له‌ كلیپه‌كه‌ی‌ حه‌مید هه‌یه‌
PM:03:38:16/07/2017
‌حه‌مید عوسمان

وێستگه‌ نیوز-
ده‌رهێنه‌ری‌ كلیپی‌ (ته‌زیو)ی‌ هونه‌رمه‌ند حه‌مید عوسمان رایده‌گه‌یه‌نێت، حه‌مید عوسمان به‌بێ ئاگاداری‌ ئه‌وان هه‌ستاون به‌ ده‌ستكاریكردنی‌ ره‌نگه‌ كلیپه‌كه‌ به‌شێوه‌یه‌كی‌ زۆر خراپ كه‌ دووره‌ له‌ سه‌لیقه‌ و ویستی‌ ئه‌وانه‌وه‌ و ده‌ڵێت: "دیاره‌ ئه‌و هونه‌رمه‌نده‌ ئازیزه‌ و هاوڕێكانی‌ پێیانوابووه‌ كه‌ له‌ ئێمه‌ شاره‌زاتر و وردترن".

هه‌ردی‌ سه‌لامی‌ ده‌رهێنه‌ری‌ كلیپی‌ (ته‌زیو) له‌ روونكردنه‌وه‌یه‌كدا كه‌ له‌ په‌یجی‌ خۆی‌ له‌ تۆڕی‌ كۆمه‌ڵایه‌تی‌ ئینستاگرام بڵاویكردۆته‌وه‌ و رایگه‌یاندووه‌، كلیپی‌ گۆرانی‌ (ته‌زیو)ی‌ هونه‌رمه‌ند (حه‌مید عوسمان) بڵاوكراوه‌ته‌وه‌ كه‌ ئه‌و، ده‌رهێنه‌ری‌ بووه‌ و چه‌ند ساڵێك پێش ئێستا ئه‌و كاره‌یان ته‌واو كردووه‌.

ناوبراو ئاماژه‌ی‌ به‌وه‌كردووه‌ "له‌گه‌ڵ ئه‌وه‌ی‌ بڵاوكردنه‌وه‌كه‌یان زۆر دواخست و ره‌نگه‌ جیاواز بێت له‌ ئاستی‌ كاره‌كانی‌ ئێستامان، به‌ڕێزیان به‌بێ ئاگاداری‌ ئێمه‌ هه‌ستاون به‌ ده‌ستكاریكردنی‌ ره‌نگه‌ كلیپه‌كه‌ به‌شێوه‌یه‌كی‌ زۆر خراپ كه‌ دووره‌ له‌ سه‌لیقه‌ و ویستی‌ ئێمه‌وه‌، دیاره‌ ئه‌و هونه‌رمه‌نده‌ ئازیزه‌ و هاوڕێكانی‌ پێیانوابووه‌ كه‌ له‌ ئێمه‌ شاره‌زاتر و وردترن".

سه‌لامی‌ جه‌ختیكردۆته‌وه‌ "بۆیه‌ ئێمه‌ به‌و جۆره‌ی‌ ئێَستا كاره‌كه‌مان لا په‌سه‌ند نییه‌ و پێمان باش نییه‌ لای‌ خۆمانه‌وه‌ بڵاویبكه‌نه‌وه‌ و به‌هیواین كه‌ بینه‌ران لێی‌ رازی‌ بن".
له‌ چه‌ند رۆژی‌ رابردوودا هونه‌رمه‌ند حه‌مید عوسمان نوێترین كلیپی‌ به‌ناوی‌ (ته‌زیو) كه‌ شێوازێكی‌ خاوه‌ بڵاوكرده‌وه‌.




ئه‌م بابه‌ته 2887 جار خوێنراوه‌ته‌وه‌‌


هەواڵی زیاتر

Copyright 2017. westganews.com. All Rights Reserved.