‌ده‌رماڵه‌ی‌ بڕوانامه‌ بۆ ده‌رچوانی‌ په‌یمانگه‌ی‌ راهێنان خه‌رج ده‌كرێت
PM:03:13:17/07/2017


وێستگه‌ نیوز- پشتیوان جه‌مال

وه‌زاره‌تی‌ دارایی‌ و ئابووری‌ ره‌زامه‌ندی‌ نیشان داوه‌ به‌ خه‌رجكردنی‌ ده‌رماڵه‌ی‌ بڕوانامه‌ به‌ڕێژه‌ی‌ 45% بۆ ده‌رچووانی‌ په‌یمانگه‌ی‌ راهێنان و گه‌شه‌پێدانی‌ په‌روه‌رده‌یی‌ له‌سه‌ر میلاكی‌ وه‌زاره‌تی‌ په‌روه‌رده‌.

به‌پێی‌ نووسراوێكی‌ وه‌زاره‌تی‌ دارایی‌ و ئابووری‌ له‌ رۆژی‌ 16-7-2017 به‌ واژووی‌ رابه‌ر سدیق بریكاری‌ وه‌زاره‌تی‌ دارایی‌ و ئابووری‌ به‌ وه‌كاله‌ت ده‌رچووه‌ و وێنه‌یه‌كی‌ بۆ وێستگه‌ نیوز نێردراوه‌ وه‌ڵامی‌ نووسراوێكی‌ وه‌زاره‌تی‌ په‌روه‌رده‌یان داوه‌ته‌وه‌.

له‌ نووسراوه‌كه‌دا هاتووه‌ "رازین له‌سه‌ر خه‌رجكردنی‌ ده‌رماڵه‌ی‌ بڕوانامه‌ به‌ڕێژه‌ی‌ 45% بۆ ده‌رچووانی‌ په‌یمانگه‌ی‌ راهێنان و گه‌شه‌پێدانی‌ په‌روه‌رده‌یی‌ به‌مه‌رجێك له‌ چوارچێوه‌ی‌ وه‌زاره‌تتان ده‌رنه‌چێت و له‌ كاتی‌ گواستنه‌وه‌یان بۆ سه‌ر میلاكی‌ وه‌زاره‌تێكی‌ تر ئه‌م ماف و ئیمتیازاته‌یان پێنادرێت و به‌م بڕوانامه‌یه‌ش ناتوانن درێژه‌ به‌ خوێندن بده‌ن بۆ ئاسته‌كانی‌ خوێندنی‌ باڵا".




ئه‌م بابه‌ته 910 جار خوێنراوه‌ته‌وه‌‌


زۆرترین خوێندراو
هەواڵی زیاتر

Copyright 2017. westganews.com. All Rights Reserved.