وه‌زاره‌تی دارایی: مووچەی دوو شوێنی دیکە دابەشدەکرێت
وێستگه نیوز ـ
وەزارەتی دارایی و ئابووری رایگەیاند، رۆژانی دووشەممە و سێشەممە مووچەی مانگی پێنجی ساڵی 2017 ی (فەرماندەی پێشمەرگەی زێرەڤانی و فەرماندەی پۆلیسی بەرگری و فریاکەوتن) دابەش دەکرێت.
بەپێی راگەیەندراوێکی وەزارەتی دارایی کە ئەمڕۆ بڵاویکردەوە، رۆژانی دووشەممە و سێشەممە مووچەی مانگی ئایاری 2017ی فەرماندەی پێشمەرگەی زێرەڤانی و فەرماندەی پۆلیسی بەرگری و فریاکەوتن دابەش دەکرێت.
هاوکات لە چوارشەممەی رابردووەوە تا ئەمڕۆ، مووچەی مانگی ئایاری یەکەکانی 70 و 80ی سەر بە وەزارەتی پێشمەرگە دابەشکرا.
هەروەها رۆژی دووشەممەی رابردووش مووچەی مانگی ئایاری دیوان و لیواکانی وەزارەتی پێشمەرگە دابەشکرا.
هەرچەند لەماوەی چەند مانگی رابردوودا وەزارەتی دارایی بە یەکجار خشتەی دابەشکردنی موچەی سەرجەم وەزارەتەکانی بڵاودەکردەوە، بەڵام تا ئێستا دیار نییە کە کەی وەزارەت و شوێنەکانی تر مووچەی مانگی ئایاری 2017، وەردەگرن.
AM:11:34:23/07/2017
ئه‌م بابه‌ته 69592
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت