عومره‌كه‌ی‌ راگەیاند


وێستگه‌ نیوز –
خانمه‌ هونه‌رمه‌ندی‌ تونسی‌ له‌تیفه‌ ئه‌نجامدانی‌ عومره‌ی‌ له‌ مانگی‌ پیرۆزی‌ ره‌مه‌زاندا ئاشكرا كرد و وێنه‌یه‌كی‌ بێ‌وكرده‌وه‌.

له‌تیفه‌ خانمه‌ هونه‌رمه‌ندی‌ تونسی‌ له‌ هه‌ژماره‌كانی‌ له‌ تۆڕه‌ كۆمه‌ڵایه‌تییه‌كان وێنه‌یه‌كی‌ له‌ مه‌ككه‌ بڵاوكرده‌وه‌.

له‌تیفه‌ ده‌رباره‌ی‌ وێنه‌كه‌ نووسیویه‌تی‌: "سوپاس بۆ خوا كه‌ ئه‌نجامدانی‌ عومره‌ی‌ له‌ مانگی‌ ره‌مه‌زاندا پێبه‌خشیم و جوانترین جه‌ژنم به‌ سه‌ردانی‌ گه‌وره‌م پێغه‌مبه‌ری‌ خوا دروودی‌ خوای‌ له‌سه‌ر بێت كرد".

ئه‌و خانمه‌ گۆرانیبێژه‌ ده‌ڵێت: "لێره‌وه‌ سوپاسگوزاریم بۆ حكومه‌تی‌ شا سه‌لمان كوڕی‌ عه‌بدولعه‌زیز شاری‌ عه‌ره‌بستانی‌ سعودیه‌ و شازاده‌ محه‌مه‌د كوڕی‌ سه‌لمان جێنیشنی‌ ده‌رده‌بڕم و خوا هه‌موویان بپارێزێت".

خانمه‌ هونه‌رمه‌ندی‌ تونسی‌ له‌تیفه‌ له‌ ساڵی‌ 1968 له‌ ناوچه‌ی‌ سیدی‌ عومه‌ری‌ سه‌ر به‌ ویلایه‌تی‌ منوبه‌ له‌ دایك بووه‌، باوكی‌ سه‌رباز بووه‌ و دایكی‌ نه‌خوێنده‌وار بووه‌ و هه‌ر له‌وێ‌ تا قۆناغی‌ ناوه‌ندی‌ خوێندووه‌.

دواتر له‌ شاری‌ قاهیره‌ی‌ پایته‌ختی‌ میسر درێژه‌ی‌ به‌ خوێندن داوه‌ و توانیویه‌تی‌ بڕوانامه‌ی‌ به‌كالۆریۆس له‌ په‌یمانگای‌ باڵای‌ میوزیكی‌ عه‌ره‌بی‌ به‌ده‌ستبێنێت و ژماره‌یه‌كی‌ زۆر گۆرانی‌ هه‌یه‌.


PM:09:04:18/06/2018


















ئه‌م بابه‌ته 15653 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت