هاوپەیمانی سائیرون بە سەرۆكایەتی موقتەدا سەدر رایگەیاند، بڕیارەكانی دادگای فیدراڵی لەژێر كاریگەری حزبی دراون.
هاوپەیمانی سائیرون لە راگەیەندراوێكدا رایگەیاندووە، بڕیارەكانی دادگای فیدراڵی لەژێر كاریگەری حزبی دراون و تێبینیشیان لەسەر بڕیاری ژماردنەوەی دەنگەكان بەدەست هەیە.
ئەمڕۆ مەدحەت محمود، سەرۆکی دادگای فیدراڵی لە کۆنگرەیەکی رۆژنامەوانیدا له بهغدا رایگەیاند، دانیشتنی پەرلەمانی عیراق کە لە 6ی حوزەیراندا ئەنجامدرا دەستورییە و ژماردنەوە و جیاکردنەوەی دەستیی دەنگەکان کارێکی دروستە، ئاماژەی بەوەشکرد، هەڵوەشاندنەوەی دەنگدانی دەرەوە و ئاوارەکان بەهەدەردانی دەنگی دەنگدەرانە، ئەوەشی راگەیاند، بریارەکانی دادگای فیدراڵی ئیلزامیە، پێویستە هەموو دەسەڵاتەکان پێوەی پاپەندبن.
هاوپەیمانی سائیرون لە هەڵبژاردنی 12ی ئایار براوەی یەكەم بووە و 59 كورسی بەدەستهێنا، هەفتەی رابردووش هاوپەیمانی لەگەڵ هاوپەیمانی فەتح بە سەرۆكایەتی هادی عامری پێكهێنا بۆ دروستكردنی حكومەتی نوێی عیراق.
پ.ج