نه‌وه‌ی نوێ: میكانیزمی توند بۆ رێگریكردن له‌ پێشێلكاری له‌كاتی ژماردنه‌وه‌ی ده‌نگه‌كان بگیرێته‌به‌ر


وێستگه‌ نیوز -
 وته‌بێژی جوڵانه‌وه‌ی نه‌وه‌ی نوێ رایگه‌یاند كه‌ پێویسته‌ لایه‌نه‌ سیاسییه‌كان و لایه‌نه‌ په‌یوه‌ندیداره‌كان میكانیزمی توندوتۆڵ بگرنه‌به‌ر به‌مه‌به‌ستی رێگریكردن له‌ هه‌ر پێشێلكارییه‌ك له‌كاتی هه‌ژماركردنه‌وه‌ی ده‌نگه‌كان به‌ ده‌ست.

كازم فاروق وته‌بێژی جوڵانه‌وه‌ی نه‌وه‌ی نوێ به‌ ئێن ئاڕ تی وت: "بڕیاره‌كه‌ی دادگای فیدراڵی بڕیارێكی ئازایانه‌یه‌ و واده‌كات ده‌نگه‌ راسته‌قینه‌كانی ناو سندوقه‌كان بگه‌ڕێته‌وه‌ بۆ لیسته‌كان".

ئاماژه‌شی‌ به‌وه‌دا كه‌ "ئه‌گه‌ر به‌ شێوه‌یه‌كی توندوتۆڵ ده‌نگه‌ راسته‌قینه‌كانی ناو سندوقه‌كان بژمێردرێت و ته‌واوی باركۆده‌كان به‌راوردبكرێت، واده‌كات ده‌نگه‌كان بۆ لیسته‌كان بگه‌ڕێته‌وه‌".

وته‌بێژی جوڵانه‌وه‌ی نه‌وه‌ی نوێ جه‌ختیشی‌ له‌وه‌ كرده‌وه‌ كه‌ "پێویسته‌ لایه‌نه‌ سیاسییه‌كان و لایه‌نه‌ په‌یوه‌ندیداره‌كان میكانیزمی توندوتۆڵ بگرنه‌به‌ر به‌مه‌به‌ستی رێگریكردن له‌ هه‌ر پێشێلكارییه‌ك له‌كاتی هه‌ژماركردنه‌وه‌ی ده‌نگه‌كان به‌ ده‌ست".


PM:11:25:21/06/2018


ئه‌م بابه‌ته 2728 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو