‌ئاسایی بوونى كوشتن
AM:09:19:04/11/2015
کەنعان بەهادين

تاوانه‌كان گه‌وره‌ن ، به‌رفراوانن ، سه‌خت و دژوارن ، بێ ئه‌ندازه‌ كردنیان ئاسایی بووه‌ .
ژنێك له‌مبه‌رى شار كوژرا ..
كوڕێك  سه‌رى باوكی  بڕى ..
برایه‌ك خوشكه‌كه‌ى  خنكاند ..
باوكێك به‌ فیشه‌ك چوارمنداڵه‌كه‌ى كوشت ..

ئه‌مانه‌ مانشێكى ڕاگه‌یاندنى كوردین و ڕۆژانه‌ به‌رچاو ده‌كه‌وێت
ئه‌گه‌ر راگه‌یاندن رۆژانه‌ به‌ر گوێى بكه‌وێ و بڵاوى نه‌كاته‌وه‌ ، خورشت ده‌یگرێ
تا ئه‌و ئاسته‌ى وێنه‌ى ته‌رم و لاشه‌ى خوێناوى و بكوژ به‌ ئاسایی بڵاو ده‌كرێته‌وه‌
عورفى راگه‌یاندن وا ده‌خوازێت كه‌ (سبق) بۆ خۆى بقۆزێته‌وه‌ ..، به‌ڵام مامه‌ڵه‌ كردن له‌گه‌ڵ زانیارى ده‌ستكه‌وتوو ، پیویستى به‌ هه‌ندێ وورد بوونه‌وه‌ى ده‌روونى و یاساكانى په‌یوه‌ندییه‌كان و كاریگه‌رى بۆ سه‌ر ڕاى گشتى هه‌یه‌ ، بۆیه‌ بوونى راوێژكاره‌ تایبه‌تییه‌كانى بواره‌ جیاوازه‌كانى كۆمه‌ڵگه‌ زۆر پێویسته‌ له‌ ده‌زگا راگه‌یاندنه‌كان هه‌بێت ، كه‌ رۆژانه‌ شى كردنه‌وه‌ى خێرا بۆ بابه‌ت و زانیارییه‌ ده‌سته‌كه‌وتووه‌كان بكه‌ن ، تاوه‌كو هه‌ندێ زانیارى دزه‌ نه‌كات و بێ وورد بوونه‌وه‌  تێبپه‌ڕێ و رایه‌ك و قه‌ناعه‌تێك له‌باره‌یه‌وه‌ لاى تاك دروست بێت و كاریگه‌رى بۆ سه‌ر بڵاو بوونه‌وه‌ى تاوان هه‌بێت ..

كه‌وایه‌ ئه‌و تێبینیه‌ به‌خه‌مه‌وه‌ كارى بۆ بكه‌ن ، جیا له‌و هه‌موو هه‌واڵه‌ سیاسیه‌ پڕ له‌ كوشتارو بڕینه‌ كه‌ ئاسایی بۆته‌وه‌ لاى خه‌ڵك ، هه‌ندێ هه‌واڵى كوشتوبڕى نێو كۆمه‌ڵگه‌ش نه‌بێته‌ دیارده‌یه‌كى ئاسایی وه‌كو كوشتاره‌كه‌ى نێو جه‌نگه‌كان .
به‌ دیقه‌ته‌وه‌ هه‌واڵ بڵاو بكه‌نه‌وه‌ ..

ئه‌م بابه‌ته 311 جار خوێنراوه‌ته‌وه‌‌


Copyright 2015. westga.net. All Rights Reserved.