پێشمەرگە موچە و ژیانی باشی دەوێت نەک درۆ و موزایەدە
هوشیار عهبدوڵا
پارتی و وەزارەتە ئینقیلاب بەسەرداکراوەکەی پێشمەرگە داخی دڵی شکستی بەغدادیان بەوە دەرئەبڕن کە دیفاع و داکۆکیردن لە ژیانی پێشمەرگە لە لایەن هاوکارمان سروە خانەوە بگۆڕن بۆ موزایەدات و بازرگانیکردن بە ژیانی پێشمەرگە و خوێنی شەهیدانەوە .
ئەوەی ڕو ئەدات هەوڵێکە بۆ داپۆشینی شکستی بەغداد و دریژەی ئەو گوتارە درۆزنانە نەتەوەییەشە کە خۆی دەکات بەخاوەنی ئاڵا و نەتەوە و پێشمەرگە و کەسیش وەک ئەوان ئیهانەی ئەو پیرۆزیانەی نەکردوە.
ئێوە ئەگەر خەمی پێشمەرگەتان بوایە ، کەمێک ئاوڕتان لە موچە و ژیانیان ئەدایەوە ..
ئێوە شەرم ناکەن کە سەری زمان وبنی زمانتان بازرگانی کردنە بە وشەی پێشمەرگەوە و لە کاتێکدا ئەو هێزە کەمترین موچە بەراورد بە هەمو هێزە چەکدارەکانی تری عێراق وەردەگرێت، ئەگەر ڕاست دەکەن لە پارەی دزراوی نەوت موچەیان چاک بکەن و ژیانیان خۆش بکەن ..
ئێوە چیتان کردوە بۆ تەسلیح وتەجهیز و تدرییان تا لە جەبهەکان نەبنە قوربانی و ژیانیان پارێزراو بێت ، جگە لەوەی لە وڵاتان خۆتان بە ناوی پێشمەرگەوە با ئەدەن و لەولاشەوە بازرگانی بە خوێنیانەوە ئەکەن پێمان ناڵێن چیتان بۆ پێشمەرگە کردوە وا فرمێسکی تیمساحیان بۆ دەڕێژن .
ئەگەر دڵسۆزی پێشمەرگەن برۆن لەناو چیرۆکە ڕاستەقینەکەی ژیان و گوزارن و کریچێتی و نەبونی شیری منداڵ و پارەی خوێندنی مناڵانیان ورد ببنەوە ، بڕۆن بپرسن کێ ئێستا ئەتۆانێ بە پێنج سەد هەزار ژیانێکی شکۆمەند بژی! ، ئەگەر دڵسۆزیانن بڕۆن موچەکانیان چاک بکەن ، چونکە ئەو جۆرە موزایەداتانە کەس بە پولێک لێتان ناکرێت .
PM:07:50:08/12/2016
ئهم بابهته 3000
جار خوێنراوهتهوه
هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی