‌گرنگترین نیشانەكانی نەخۆشی دەرونی

وێستگە ستایل-


پەستانە دەروتیەكان و ئاڵۆزی و جەنجاڵی مێشك زۆرجار هۆكار دەبێت بۆ ئەوەی مرۆڤ توشی نەخۆشی دەرونی ببێت هاوشێوەی نەخۆشیەكانی دیكەی جەستە  ئەوكاتەش كە مرۆڤ هەست بەم حاڵەتانە بكات ئەوە پێویستە  زوو سەردانی پسپۆڕی دەرونی بكات بۆ وەرگرتنی چارەسەری پێویست  ، لەڕێی ئەم بابەتەوە دەتوانیت گرنگترین نیشانەكانی نەخۆشییە دەرونیەكان بناسیتەوە .


1- پشت گوێ خستن و گرنگی نەدان بە چالاكیەكانی ڕۆژانە ، وەك "خۆشی و ناخۆشیەكان " و دەركەوتنی كەسەكە بەشێوەیەكی خەمبار و بێ زەوق بۆ كارەكانی و ڕەنگە زۆركات پێی بوترێت " دەڵێی پاپۆرەكەی نوقم بووە "  

2- كەمبوونەوە و نەمانی ئارەزووی نانخوارد و بەهۆی ئەم حاڵەتەشەوە نەخۆش كێشی دادەبەزێت و لاواز دەبێت .

3- كەمبوونەوەی ووزە و توانای جەستەی مرۆڤ و ئارەزوو نەكردنی كاركردن و تێكەڵاو نەبوون لەگەڵ هیچ كەسێك .

4- ئەو كەسانەی توشی نەخۆشی دەرونی دەبن بەردەوام مەرگ بە ئاوات دەخوازن و بیر لە خۆكوشتن  دەكەنەوە و ناتوانن هەست و سۆزەكانیان دەرببڕن .

5- بەردەوام وا هەست دەكەن هەر كارێكی خراپ ڕوبدات ئەم هۆكارەكەیەتی و  جۆرێك بیر دەكاتەوە كە تاوانباری سەرەكی هەموو كارێكە .

6- گۆشەگیرن و زۆر كەم قسە دەكەن  و توانای ئەوەیان نیە لە كاتی پێویستدا بڕیار بدەن .

7- بەردەوام بیر لە شتی بێ سوود دەكەنەوە ،بۆ نمونە تۆڵە سەندنەوە .

8- زوو هەڵچوون و توڕە بوون و شەڕكردن بێ هۆكار ، و ئەم كەسانە بەردەوام لە بارێكی دەرونی نائارامدان .


PM:02:40:16/07/2017


ئه‌م بابه‌ته 5304 جار خوێنراوه‌ته‌وه‌‌