‌توێژینەوەیەك ...تەوالێتی ئەم شوێنانە هۆكارن بۆ بڵاوبونەوەی نەخۆشی لەجیهاندا



وێستگە ستایل-

لە ئێستادا بەهۆی زۆر بوونی گەشتكردن لەڕێی فڕۆكەوە وایكردوە فڕۆكەخانەكان ببێتە شوێنێك بۆ بڵاوبونەوەی نەخۆشیە گوێزراوەكان لە هەموو جیهاندا .
 

توێژینەوەیەكی ئەڵمانی لە لایەن كۆمەڵێك لە پزیشكەكان لە زانكۆی ( مۆنستەر) لەڕێی پرۆگرامێكی تایبەت بە ئاگاداركردنەوەی پێش وەختی بڵاوبونەوەی نەخۆشی و بەكتریاكان كە سەر بە وەزارەتی تەندروستی ئەڵمانیە ئەوەیان ئاشكرا كردوە كە تەوالێتی ناو فڕۆكەخانەكان  هۆكارە بۆ بڵاوبونەوەی بەكتریا و نەخۆشی لەسەرتاسەری جیهاندا بەهۆی ئەوەی گەشتیارەكان لەجێگەیەك بۆ جێگەیەكی دیكە دەچن و بەمەش خەڵكانێكی جیاواز و لە چەندین شوێنی جیاواز ئەم تەوالێتانە بەكاردەهێنن .

ئەم توێژینەوەیە وایكردوە وەزارەتی تەندروستیەكان لەوڵاتەكانی جیهان بڕیاری ئەوەیان داوە گرنگی بدەن بە پاك و خاوێنی ناو فڕۆكەخانەكان و داوا لەو كەسانەش دەكرێت كە لەڕێی فڕۆكەوە گەشت دەكەن دوای چونە  تەوالێت لەناو فڕۆكەخانەكاندا  دەستەكانیان خاوێن بكەنەوە بە ئاو و سابوون بۆ ئەوەی خۆیان بپارێزن لە هەموو جۆرە ڤایرۆسێك و ئەگەری توشبونیان بە نەخۆشی كەم ببێتەوە .

سەرچاوە:BBC 





ئه‌م بابه‌ته 911 جار خوێنراوه‌ته‌وه‌‌



Copyright 2017. westganews.com. All Rights Reserved.