‌بەوێنە ...شیلان ئاكجان" شێوەم لە لەیدی گاگا دەچێت "



وێستگە ستایل-

شیلان ئاكجان لەدایكبووی ساڵی 1993 یە و وەك هونەرمەند و كچە مۆدێلێكی كورد ناوبانگی دەركردوە و بەهۆی ستایلی قژ و شێوەشیەوە بە لەیدی گاگای كورد ناودەبرێت ، بۆخۆشی ئەوە ناشارێتەوە كە لە شێوەیدا لەودەچێت بەڵام دەڵێت لە ستایلدا زۆر جیاوازین ، ئەم خانمە لە دیمانەیەكیدا لەگەڵ هەفتەنامەی "ئاژانس " وەڵامی چەند پرسیارێك دەداتەوە .

ئاژانس : تۆ هەم وەك هونەرمەند و هەم وەك مۆدێل ناسراویت خۆت كام لەم دوو پیشەیەت لا پەسەندە ؟

- هەردوكیان بەلای منەوە دوو كاری گرنگن بەڵام من گۆرانی وتنم زیاتر لا پەسەندە .





ئاژانس: زۆر كەس باس لەوە دەكات تۆ زۆر لە لەیدی گاگا دەچیت ڕای تۆ چیە لەسەر ئەو بابەتە ؟ پێت وایە بەوجۆرە بێت ؟

- زۆركەس پێمدەڵێن لە لەیدی گاگا دەچم ئەوەش شتێكی ئاساییە بەلامەوە بەڵام لە ئاكار و هەڵسوكەوتدا هیچ لەوناچم ستایلی من زۆر جیاوازە لە ئەو ، من بەستایلی تایبەتی خۆم دەركەوتووم .












 

❤❤❤❤❤❤🎅🎅🎅💏💏💑💑💑💑

A photo posted by şilan_akçan official (@shilan_akcan_official) on


ئاژانس : تۆ خەلًكی كام شاری كوردستانیت ؟ بۆچی زیاتر لە توركیا دەمێنیتەوە ؟

- من لە بنەڕەتدا خەڵكی شاری سلێمانیم و ماوەیەكی زۆر لە شاری كەركوك ژیاوم ، ماوەی چەند ساڵێكە لە هەرێمی كوردستان و توركیاش دەژیم و بەپێی كارەكانم ماوەیەك لە هەولێر و ماوەیەك لە ئیبستەنبوڵ دەمێنمەوە ، من تاقانەی خێزانەكەمم و تەنیا یەك برام هەیە ، پەیمانگای هونەر جوانەكانم لە هەولێر تەواو كردوە لە بەشی شێوەكاری و ئێستاش قوتابی كۆلێژی هونەرم لە بەشی دیزاینی ناوەوە .


 

My dl 2017 iyiki varsın bitanem seni çok seviyorum ❤❤❤❤

A photo posted by şilan_akçan official (@shilan_akcan_official) on



ئاژانس " بە خۆشەویستی ژیانی هاوسەرگیریت پێكهێنا؟ چۆن یەكترتان ناسی ؟ بۆ مانگی هەنگوسنی چونە كوێ ؟
- بەڵێ بەدڵنیایەوە ماوەیەك پەیوەندی خۆشەویستیمان هەبوو بەهۆی كاركردنمان بەیەكەوە یەكترمان ناسی و نازناوەكەی خۆشم (ئاكجان ) بەهۆی هاوسەرەكەمەوە هەڵم گرتوە كە نازناوی ئەوە و مانگی هەنگوینیمان لە مارماریس و بۆردرۆم بەسەر برد .

 

@lanazanganaofficial loveeeeee❤❤❤❤❤

A video posted by şilan_akçan official (@shilan_akcan_official) on



ئاژانس : زۆر قسە لەسەر ئەوە دەكرێت كە جلوبەرگەكەت بوێرانەیە ئایا لەسەر ئەوە ڕەخنەت لێ نەگیراوە؟
- بەدڵنیاییەوە ڕەخنەی زۆرم لێگیراوە بەتایبەت لەسەرەتای دەستپێكردنم بە كاری هونەری بەڵام من هەر بەردەوام بووم لەسەر كارەكانم و بەو شێوازە كارم كردوە كە خۆم ویستومە بە خۆشحاڵیەوە ئێستا تێگەییشتنی خەڵكیش باشتر بوە و ڕەخنەكان بۆ بنیات نانەوە گۆڕاون .

ئاژانس: بۆچی زۆركات بە قژی ڕەنگ شینەوە دەردەكەویت ؟
- هەڵبژاردنی ئەو ڕەنگە تەنیا حەزێكی تایبەتی خۆم بووە بەهۆی ئەوەی كە ڕەنگێكی ناباوە، ئەو ڕەنگە زیاتر لەگەڵ جلوبەرگ و شێواز و ویستی خۆمدا دەگونجێت .
 





ئه‌م بابه‌ته 2329 جار خوێنراوه‌ته‌وه‌‌



Copyright 2017. westganews.com. All Rights Reserved.