بانكی كشتوكاڵی به‌عقوبه بڕدرا
فۆتۆ: گێتی
وێستگه نیوز ـ
چەند چەكدارێكی نەناسراو بانكی كشتوكاڵی بەعقوبەیان بڕی كە دەكەوێتە ناوەندی شارەكە‌و تا ئێستاش بڕی پارە دزراوەكە نەزانراوە چه‌نده‌یه و ناسنامه‌ی چه‌كداره‌كانیش نه‌زانراوه.
میدیاكانی عیراق بڵاویان كرده‌وه: پاشنیوه‌ڕۆی ئه‌مڕۆ شه‌ممه 15ی ته‌مموزی 2017، بانكی كشتوكاڵی به‌عقوبه له لایه‌ن ژماره‌یه‌ك چه‌كداری نه‌ناسراوه‌وه بڕدرا.
ئه‌وه‌ش هاتووه: پاسەوانەكانی بانكەكە بە قۆڵبەستراوی لە بەردەم بانكەكەدا دۆزراونەتەوە‌و نەكوژراون.
هاوكات عەلی داینی، سەرۆكی ئەنجومەنی پارێزگای دیالە رایگەیاند: هێزە ئەمنیەكان خراونەتە حاڵەتی ئامادەباشیەوە‌و ئابڵوقەی بانكەكەیان داوە بۆ لێكۆڵینەوە لە وردەكاری رووداوەكە.
وتیشی: "ناسنامەی چەكدارەكان تا ئێستا نەناسراوە".
PM:06:02:15/07/2017
ئه‌م بابه‌ته 2758
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت