بەوێنە... پەرلەمانتارێكی عیراقی كوژرا
وێستگە نیوز-
لە هێرشێكی چەكداری لە پارێزگای ناسریەی باشووری عیراق، ئەندامێكی ئەنجومەنی نوێنەرانی عیراق بە دەستی ژمارەیەك چەكداری نەناسراو كوژرا.
بەپێی زانیارییە سەرەتاییەكان، كاروانی ئۆتۆمبێلەكانی عەبدولعەزیم عەجمان لە رێگەی نێوان ناسریە و بەتحا، رووبەڕووی هێرشی چەكداریی بووەتەوە و لە ئەنجامی هێرشەكەدا ئەو پەرلەمانتارە لەگەڵ شۆفێرەكەی كوژراون و یەكێك لە پاسەوانەكانیشی بە سەختی برینداربووە.
عەبدولعەزیم عەجمان سەر بە یەكێتی هێزە عیراقیەكانە كە رەوتە سونییەكان لەخۆدەگرێت و تا كاتی ئامادەكردنی ئەم هەواڵەش وردەكاریی لەبارەی رووداوەكە و لەسەر هۆكاری كوژرانی ئەو پەرلەمانتارە ئاشكرا نەبووە.
هەر لەو چوارچێوەیەدا تەلەفیزیۆنی فەرمی عیراقیە، هەواڵی كوژرانی عەبدولعەزیم عەجمانی لە هێرشێكی چەكداری لەنێوان شاری ناسریە و بەتحادا بڵاوكردەوە.
هەر لە بارەی كوژرانی ئەو پەرلەمانتارەوە ، پۆلیسی پارێزگای زیقار رایگەیاند، كوژرانی عەجمان بەهۆی رووداوی هاتووچۆوە بووە نەك هێرشی چەكداری.
عەجمان پەرلەمانتاری پارێزگای بەسرەیە و بڕوانامەی بەكالۆریۆسی لە ئادابی زمانی عەرەبی لە زانكۆی بەسرە بەدەستهێناوە و لە بەغدا نیشتەجێ بووە.
PM:01:35:10/12/2016
ئه‌م بابه‌ته 6482
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت