‌ڤلادیمێر پوتن و نۆكیای 3310
PM:10:21:02/03/2017

وێستگه‌ نیوزـ

كۆمپانیای كاڤیار-ی روسی به‌مدواییه‌ به‌رهه‌مێكی نوێی مۆبایلی نۆكیا 3310ی پێشنیاز كردووه‌ كه‌ زاخاوی ئاڵتون كراوه‌ و وێنه‌یه‌كی ڤلادیمێر پوتن-ی سه‌رۆكی ئه‌و وڵاته‌ی له‌سه‌ره‌.

كۆمپانیای كاڤیار كه‌ تایبه‌تمه‌نده‌ به‌ كاری هه‌ڵكۆڵین له‌سه‌ر مۆبایل، ئاماژه‌یبه‌وه‌داوه‌ كه‌ ئه‌م نۆكیایه‌ به‌ هه‌ردوو كانزای ئاڵتون و تیتانیۆم دیزاین كراوه‌ و هۆكاره‌كه‌ش ئه‌وه‌یه‌ تا مه‌زنیی پوتن و شێواز و ره‌فتاری ئه‌و سه‌رۆكه‌ ده‌ربخات.

كۆمپانیاكه‌ رێكه‌وتی نێوان یه‌كه‌م ساڵی به‌رهه‌مهێنانی نۆكیای 3310 و كاتی سه‌رۆكایه‌تیی ڤلادیمێر پوتن قۆستووه‌ته‌وه‌، چونكه‌ به‌رهه‌مه‌كه‌ له‌ ساڵی 2000 بۆ یه‌كه‌مجار كه‌وته‌ بازاڕه‌وه‌ و هه‌ر له‌و ساڵه‌شدا ڤلادیمێر پوتن چووه‌سه‌ر كورسیی سه‌رۆكایه‌تی.

پێشتریش كۆمپانیای كاڤیار كۆپییه‌كی له‌ مۆبایلی ئایفۆن دروستكرد كه‌ ئه‌ویش وێنه‌ی ڤلادیمێر پوتن-ی له‌سه‌ر هه‌ڵكۆڵراوه‌ و ئه‌وكاره‌شی له‌ یادی له‌دایكبوونی پوتندا كرد.

به‌مدواییه‌ كۆمپانیای ئێم ئێم دی فینلاند كه‌ به‌رهه‌مهێنه‌ری مۆبایلی نۆكیایه‌، به‌رهه‌مێكی نوێی مۆبایلی 3310ی به‌ 52 دۆلار خسته‌بازاڕه‌وه‌ و ئاستی جه‌ماوه‌ریی ئه‌و جۆره‌ مۆبایله‌ی قۆسته‌وه‌ كه‌ ئه‌وكاته‌ی بۆ یه‌كه‌مجار خرایه‌ بازاڕ، ده‌یان ملیۆن كه‌س له‌ سه‌رتاسه‌ری جیهاندا به‌كاریان هێنا.




ئه‌م بابه‌ته 2947 جار خوێنراوه‌ته‌وه‌‌



Copyright 2016. westga.net. All Rights Reserved.