‌ئای تۆ چ جه‌نگه‌ڵێكی وه‌ته‌ن
AM:09:29:21/04/2017
هێمن عەبدولقادر

له‌ شیرینی خه‌ودایت له‌پڕ ئه‌بێت به‌قاو قریشك و هات و هاوار و ڕاكردن تۆش خه‌به‌رت ئه‌بێته‌وه‌ و له‌به‌رده‌م خۆته‌وه‌ ده‌ڵێی (وجا‌ءت سكره‌ الموت بالحق) به‌راستی مردن تاكه‌ حه‌قیقه‌تێكه‌ كه‌ یه‌خه‌ی هه‌موومان ئه‌گرێت، تۆ هێشتا خه‌و به‌ری نه‌یاویت و ئه‌ڵێی یاره‌بی خوا لێی خۆش بێت ، ئافره‌ت ئه‌وه‌ كێ مردووه‌ ؟ كوره‌ مردنی چی ، ئاوی ڕه‌ئیسی هاتۆته‌وه‌ هه‌سته‌ ئه‌و مۆلیده‌یه‌ داگیرسێنه‌ قه‌تره‌ ئاو له‌ ته‌نكیه‌كاندا نه‌ماوه‌.......
ئاااااااااای تۆ چ جه‌نگه‌ڵێكی وه‌ته‌ن
....................................
له‌ده‌وام هاتویته‌وه‌ هیلاك و ماندوو نزیكه‌ی شه‌ش سه‌عات قسه‌ت بۆ موراجیع كردووه‌ كێشه‌كانیان چاره‌ بكه‌ن ، وه‌ڵامی ٥٣ په‌یوه‌ندی ته‌له‌فۆنیت داوه‌ته‌وه‌ ، سه‌ر ئه‌كه‌یته‌ سه‌ر سه‌رینه‌كه‌ و چاوت ئه‌جێته‌ خه‌و ، له‌پڕ پیكابێك له‌به‌ر ده‌م ماڵتانا ئه‌وه‌ستێ و موكه‌بیره‌یه‌ك ئه‌گرێت به‌ده‌ستیه‌وه‌ تا خوا هێزی پێداوه‌ هاوار ئه‌كات
(كنگر) سیانی به‌پێنج ،سیانی به‌پێنج ، سیانی به‌پێنج ، سێ كیلۆ به‌پێنج هه‌زار ، هه‌رزانمان كرد هه‌رزانمان كرد .
سه‌د بریا تۆ جه‌نگه‌ڵ ده‌بووی وه‌ته‌ن
.............................................
ئه‌وه‌ ئیتر
به‌رده‌وام دانه‌یه‌ك له‌ده‌رگا ئه‌یات بۆ پاره‌ی مۆلیده‌ ، دانه‌یه‌ك پاره‌ی محاویله‌ كۆ ئه‌كاته‌وه‌ ، دانه‌یه‌ك مناڵ ئه‌كوتێت ، دانه‌یه‌ك وه‌سڵی ئاوی پێیه‌ ، دانه‌یه‌ك له‌ موكه‌به‌ره‌ی مزگه‌وته‌وه‌ مناڵی لێ وونبووه‌ ، دانه‌یه‌ك تۆپی كه‌وتۆته‌ حه‌وشه‌وه‌ ، دانه‌یه‌ك پنه‌ و تیرۆكی ئه‌وێ ، دانه‌یه‌ك به‌ ئاسن له‌ بتڵی غاز ئه‌دات ، دانه‌یه‌ك و دانه‌یه‌ك و دانه‌یه‌ك و هازاران دانه‌
كاشكیا تۆ هه‌ر جه‌نگه‌ڵ ده‌بوویت وه‌ته‌ن
................................................
من خۆ ئه‌گه‌ر خوای گه‌وره‌ هه‌ر ئه‌وه‌نه‌ی سه‌ره‌ ده‌رزیه‌ك ده‌سه‌ڵاتی بایه‌ پێم یه‌عنی ئه‌گه‌ر رۆژێك هه‌ر یه‌ك تۆز ده‌سه‌لاتم هه‌بوایه‌ ، یه‌كه‌م چاكسازی له‌م ووڵاته‌ كه‌ ده‌ستم پێ ئه‌كرد له‌ (قه‌ده‌غه‌ كردنی گسكی كاره‌باوه‌) ده‌ستم پێ ئه‌كرد ، سزایه‌كم دا ئه‌نا هه‌ر ژنێك گسكی كاره‌بای به‌كار بهێنایه‌ ئه‌بوو ڕۆژی لانی كه‌م (دووجار بچێت بۆ ماڵی خه‌سوو هێوه‌ر و دشه‌كانی) ، دڵنیام ئه‌و سزایه‌ رێژه‌ی گسكی كاره‌بایی نیواو نیو كه‌م ئه‌كرد ، كوره‌ خۆ ناوێریت په‌رداخێك ئاو بخۆیته‌وه‌ ، خێرا گیڤڤڤڤڤڤ ، فڕڕڕڕڕ گسك داگیرساوه‌
سه‌د بریا تۆ هه‌ر جه‌نگه‌ڵ بویتایه‌ وه‌ته‌ن
.............................................
هاوینی لێدێت فه‌رش كۆكه‌ره‌وه‌ ، بیشۆ ، هه‌ڵیخه‌ ، موبه‌ریده‌ پاك بكه‌ره‌وه‌ ،ده‌كت ببه‌سته‌ پوش بكڕه‌ ،
زستانی لێدێت ، پڵیته‌ چاك بكه‌ ، فه‌رش ڕابخه‌ ، ئه‌وه‌نده‌ نه‌وتمان به‌ ده‌به‌ كڕی ، ئه‌وه‌نده‌ نه‌وتمان به‌ده‌به‌ هه‌ڵگرت هه‌موومان ئه‌ڵێی شه‌مپانزین (قۆڵمان درێژتره‌ له‌ قاچمان) ، ئه‌وه‌نده‌ فه‌رشمان خسته‌ سه‌رشانمان ، ئه‌وه‌نده‌ كومبارمان خسته‌ سه‌ر سه‌رمان بۆ سه‌ربان هه‌مومان سه‌رمان ئه‌ڵێی خراوه‌ته‌ نه‌وته‌وه‌ ،
من له‌ هیچ شوێنێك هه‌ست به‌ئارامی ناكه‌م ..
ماندووم ماندوو ،
جه‌نگه‌ڵیش یاسای ته‌یبه‌تی خۆی هه‌یه‌ ،
كاشكیا تۆ هه‌ر هیچ نه‌بێت هه‌ر هیچ نه‌بێت
جه‌نگه‌ڵ بوویتایه‌ وه‌ته‌ن.


ئه‌م بابه‌ته 4407 جار خوێنراوه‌ته‌وه‌‌


هەموو وتارەکان کاتێک لەوێستگە بڵاو دەبێتەوە تەنها بیروبۆجونی خاوەنەکانێتی


Copyright 2017. westganews.com. All Rights Reserved.