‌ناوی‌ پاڵێوراوانی‌ كۆتایی هه‌ڵبژاردنی‌ سه‌رۆكایه‌تی‌ ئێران راگه‌یه‌ندرا
AM:10:40:21/04/2017

وێستگه‌ نیوز -
 لیژنه‌ی باڵای هه‌ڵبژاردنه‌كانی كۆماری‌ ئیسلامی‌ ئێران له‌ راگه‌یه‌ندراوێكدا ناوی 6 پاڵێوراوی‌ كۆتایی بۆ هه‌ڵبژاردنی سه‌رۆك كۆماری ئه‌و وڵاته‌ی راگه‌یاند.

لیژنه‌ی باڵای هه‌ڵبژاردنه‌كانی كۆماری‌ ئیسلامی‌ ئێران له‌ راگه‌یه‌ندراوێكدا ناوی 6 پاڵێوراوی‌ كۆتایی راده‌ستی وه‌زاره‌تی ناوخۆی ئه‌و وڵاته‌ كرد كه‌ هه‌موویان مه‌رجه‌كانی‌ به‌شداریكردن له‌ هه‌ڵبژاردنی‌ سه‌رۆك كۆماری ئه‌و وڵاته‌یان تێدایه‌وه‌ و له‌لایه‌ن لیژنه‌كه‌وه‌ په‌سه‌ند كراون.

لیژنه‌ی باڵای هه‌ڵبژاردنه‌كانی ئێران ناوه‌كانی به‌م شێوه‌ راگه‌یاندووه‌:

1- سه‌ید موسته‌فا ئاغا میر سه‌لیم

2- ئیسحاق جه‌هانگیری

3- حه‌سه‌ن رۆحانی

4- سه‌ید ئیبراهیم ره‌ئیسی، كه‌سایه‌تی‌ نزیك له‌ عه‌لی‌ خامنه‌یی.

5- محه‌مه‌د باقر قاڵیباف

6- سه‌ید موسته‌فا هه‌شمی ته‌با
بڕیاره‌ 19ی ئایاری داهاتوو هه‌ڵبژاردنی خولی دوانزه‌یه‌مینی سه‌رۆك كۆمار و پێنجه‌مین خولی ئه‌نجومه‌نی شورای شار و گونده‌كان له‌ ئێران به‌ڕێوه‌بچێت.

به‌پێی بڕیارو رێنماییه‌كانی لیژنه‌ی‌ باڵای‌ هه‌ڵبژاردنه‌كان له‌ ئێران هه‌ڵمه‌تی هه‌ڵبژاردن 20 رۆژ ده‌خایه‌نێت و ئه‌و كاندیدانه‌ی له‌ لایه‌ن ئه‌نجومه‌نی پارێزگاری كۆماری ئیسلامی ئێرانه‌وه‌ متمانه‌یان پێده‌به‌خشرێت، ده‌توانن له‌و ماوه‌یه‌دا كه‌مپین و هه‌ڵمه‌ته‌كانی خۆیان به‌ڕێوه‌ببه‌ن.




ئه‌م بابه‌ته 2633 جار خوێنراوه‌ته‌وه‌‌


هەواڵی زیاتر

Copyright 2017. westganews.com. All Rights Reserved.